大戶屋

Open Now

Now Closed

四人行食晚飯,約左七點食。準時到，餐廳都好多人啦。建議晚飯時間訂位，因為個場都好full （ 用餐時間90分鐘) 其實揀哩度因爲環境舒服，食物水準唔錯。一人點一份定食。我鐘意食魚，成條上。肉甜同滑，本身我覺得都夠味，所以冇落過調味。旁邊有海帶紫菜同酸蘿蔔，但其實我個人覺得唔係好夾，所以分開食😂友人一點了五花腩其實我本身都怕肥肉，但哩個真係好食!!。係有肥但香口,肉有水份唔乾，餸飯正。友人二點了牛肉飯加烏冬主要是因為大食，所以變這個配搭會飽一點。我試了舊牛，又係香口感。佢表示唔錯。友人三因同樣既大食完因都係要飯同冷烏冬。值得提大家，每個定食都可以免費添一次飯。( 冇錯，友人就係要添飯) 佢表示烏冬好食過飯。有啲定食會配個燉蛋，個蛋有小小小小蛋腥味，但個口感同配料ok !( 冬菇同蝦仔) 大部份定食都有個酸菜，我就麻麻地。環境服務食物水準全部都中上水平，所以價錢都係中上。間唔中食個中產飯啦

星期日放假帶埋媽咪一齊出銅鑼灣行街shopping行到咁上下見有啲肚餓就同媽咪去我金朝陽二期既大戶屋食飯可能我哋下午茶時段去食所以唔係太多人入咗大約三成不過亦因為咁所以侍應添茶執枱都好快手！之前佢仲喺一期嘅時候我哋都周不時去嗰度食飯，因為勝在足料兼白飯任添，而且喺銅鑼灣來講，價錢尚算合理⋯雖然係日本料理，但係主菜都係以魚、豬、雞等熟食為主，所以同媽咪去食唔怕唔啱食或者唔夠飽。二期嘅大戶屋室內裝潢比之前舊舖更講究，樓底又夠高，環境寬敞舒適。我哋一坐低就落單叫花魚定食同鯖魚定食。等左冇幾耐兩個定食同以往一樣，都有跟前菜、味噌湯、燒魚配菜同茶碗蒸，當然唔少得主角燒花魚喇！雖然而家由白飯任裝改為每人限添一碗，不過還可以要求大飯，比普通份量多近一倍架！講番條燒花魚，唔單止夠大件，而且又香又多汁，唔會好似出面啲燒魚又乾又嚡口，成熟度適中，連埋配菜食就更加突顯魚嘅鮮味！呢度嘅白飯係用珍珠米，食落口感煙靭軟熟，所以我好快添飯，加埋份量都有四碗飯，真係食咗夜晚唔使食飯，每次黎呢度都有大滿足的感覺真好！

星期五晚上8:30pm, 見有幾枱人拎左飛等緊, 但又冇人派飛, 等左陣俾人打埋尖先拎到飛.但入座後, 服務又不錯, 點菜上菜埋單都順暢.地方幾大幾寬鬆, 仲有outdoor位.- 燒花魚定食 :一整條魚, 好易拎出魚骨, 易於進食. 燒魚唔會太乾有魚味. 肉質結實唔散, 而且好厚肉.配蘿蔔蓉同醃海帶好日本料理家庭feel. 日本珍珠米夠熱又好咬. 仲有滑蛋, 不過係友人既, 所以冇試到.- 招牌定食 : 吉列牛肉漢堡薯餅好有薯味, 反而牛肉太少啦, 不過加上煎蛋真係冇得輸, 味道豐富左.個珍珠米飯好好味, 只係薯餅真係好飽肚. 椰菜絲好爽脆, 清清味蕾.仲有炸雞4件, 配蘿蔔蓉都好好味. 炸得香口又唔乾, 肉質有彈性.還有沙律去走油膩感. 麵豉湯仲暖熱, 唔會咸好好飲.