Edan威威「踩入」芝麻街 Anson Lo係男女同體陳葦璇|即時新聞|繽FUN星網|on.cc東網

Edan威威「踩入」芝麻街 Anson Lo係男女同體陳葦璇

2021年07月20日 10:02
東網電視
更多新聞短片
男圑MIRROR成員姜濤嘅人氣曾經一枝獨秀,不過自從隊友Anson Lo和Edan拍咗電視劇《大叔的愛》組合「田牧CP」後,喺社交網嘅追蹤人數反超前,依家單數12子鬥個人粉絲量,Anson Lo有40.2萬追蹤人數居榜首,「神徒」早前仲為佢買下A1頭版廣告,人氣強勁;Edan居第2位達36.6萬追蹤人數;而姜濤就跌到落第3位,都有35.9萬追蹤人數,完全唔失禮。
人紅咗就多人關注,最近有網民話Edan個樣,同動畫人物芝麻街嘅Bert撞樣,不過有人就覺得佢愈似愈以80年代嘅男神呂頌賢,都係三角眼、高鼻、薄嘴唇,加埋下巴兜兜,而當年呂頌賢拍《笑傲江湖》時,仲畀人話佢有幾分似日本男神山下智久添。
至於《大》另一主角Anson Lo就被網民話佢似60年代「影壇7公主」嘅「大公主」馮素波,話佢哋無論頭、耳、口、鼻,甚至髮型都一模一樣咁滯,懷疑佢哋有「嫲孫」關係,有人即就投反對票話:「波姐個妝邊似Anson Lo呀?」,再有網友又反對話其實Anson 同《全民造星III》嘅陳葦璇先係最似,因為連個妝都似埋,唔知大家又覺得Anson Lo似邊個多啲啦?