桑馬達將投死敵 魔迷唔反對仲送祝福
20220714
東網電視
更多新聞短片
桑馬達(Getty Images)
最強博彩盤路過關神器《串績王》：http://win.on.cc/football/
過去幾季如果要選曼聯最喜愛球星，桑馬達必定排前列，呢位34歲西班牙中場今夏離開效力8年嘅曼聯，下一站落腳點可能係曼聯3大死敵之一嘅列斯聯，不過魔迷不但唔反對，仲紛紛送上祝福。
西班牙《阿斯報》稱，列斯聯近日與桑馬達接洽，詢問加盟意向，同時向佢招手嘅仲有中東球會、土超加拉塔沙雷及比錫達斯，但以列斯聯最有誠意，已開出實質性報價，據報雙方都有合作意願。
桑馬達喺曼聯效力8年，上陣285場入51球，仲係球迷眼中嘅好好先生，經常同球迷互動合照，就算落大雨都肯走入球迷堆，離隊時製作告別影片，所以佢依家同曼聯3大死敵曼城、利物浦、列斯聯其中之一斟介，球迷都唔抗拒。
其實列斯聯同曼聯嘅世仇關係，主要來自列斯聯方面，當年阿倫史密夫加盟曼聯，至今仍未獲列斯聯球迷原諒，反過來曼聯球員轉投列斯聯，魔迷並唔反對，並向桑馬達送上祝福。