約咗好耐無見嘅舊同事一齊食飯傾偈 去咗食好嘢😋 朋友介紹嘅私房菜,的確無介紹錯👍 位於觀塘工業中心,鄰近有地鐵站、巴士站,十分方便。 私房菜我係第一次食,預早book定及選好菜式,去到坐低就有得食😊 🔹餐前小食: 京滬味香伴海蜇頭 本地水耕沙律菜伴芝麻醬 雙色墨魚仔 茶燻流心蛋伴黒魚子醬配厚切茄子 賣相已經十分精...緻,最欣賞個茄子配黑魚子醬,自己真係整唔到咁好食嘅茄子🍆 🔹溫室南瓜北海道特級帶子 賣相也十分吸精,我欣賞咗一陣先至捨得食😅 帶子微微煎香,好鮮嫩,下面嘅菜蔬有青瓜、蜜瓜、哈密瓜,估唔到可以蜜瓜、哈密瓜來煮,味道出奇地夾,連南瓜🎃肉都可挖出來吃 🔹原鼎海底椰椰子無花果燉鷓鴣黑毛䐁肉湯 十分清甜,每人都有一碗半嘅分量,我哋連湯渣都差不多清晒,如果再多啲仲正 🔹招牌茶王燻雞 肉質結實,茶味好濃厚,鍾意茶味嘅朋友應該會鐘意,不過略為鹹咗啲,配白飯嘅話應該更好 🔹洛神玫瑰茄西班牙黑毛䐁咕嚕肉 咕嚕肉食得多,呢個都算係有驚喜,先以洛神花煮令顏色比一般嘅咕嚕肉更靚更紅,味道甜而不膩,䐁肉外脆內軟,不錯💕 🔹秘制明梅醬燜花尾躉班翅 小小酸甜,魚肉肉質嫩滑,炸粉份量剛剛好,我差不多連魚骨也吃掉😅 🔹魚湯浸黑松菌日本百合配時令鮮蔬 豆苗配魚湯真係好夾,唔好睇佢咁細塊,原來拆開左都幾多,仲有一粒精髓:杞子,呢粒杞子真心好味,係我食過嘅最好味嘅杞子,好甜,朋友話好似食左粒好甜嘅粟米咁😋 🔹寶貝鮑魚仔極尚金牌福建炒飯 講真食到呢到都飽咗9成,但都欣賞佢呢個飯,芡汁唔太膩,普普通通啦☺️ 🔹 薑湯花生湯丸 最後食埋甜品,薑味重,我喜歡,如果係芝麻湯圓會仲正🫢 雖然我哋呢個組合都係以傾偈為先,坐足佢3個幾鐘,但大家對食都好有心得及要求,寧願食得精啲,貴啲都無所謂,今晚的確盡興😙更多