42歲馬國明終於有着落？ 黃心穎回應送錶：我做咩要對佢咁大方
撰文：郭敏玲
出版：更新：
去年播出的《為食神探》，黃心穎色誘馬明，如今就傳出緋聞。
雖然馬國明是炮灰劇視帝，不過始終是一線小生，擁有2千萬的太古城樓盤，加上孝順，為不少花旦心目中的筍盤，今日就有報道指宅男女神之一的黃心穎原來同馬國明秘密拍拖1年，還拍得黃心穎車接馬國明返自己油塘住所！
黃心穎之前在訪問講過，入行前好鍾意馬國明，每年台慶都會同對方合照。兩人傳出緋聞，但心穎就話同馬明係朋友而己。（Instagram圖片）
雖然影得唔清楚，但報道就指黃心穎4年前參選港姐時，已自爆是馬明fans，還一直好恨和馬明合作，終於在2013年有機會同馬國明在《On Call 36小時 II》合作，心穎BB還開心到在微博寫上「第一次」給了馬明。去年在《為食神探》再合作，劇中她更低胸色誘馬明，之後報道還說二人拍拖1年，心穎BB還送了隻幾萬元的名錶給馬明，說到女神好似像兵一樣。
記者就問過黃心穎，她以WhatsApp回應 :「我都係度諗幾時有車過佢。但係原來封面上的車照，係各人在自己車內的。同馬明係合作過多次的朋友（馬明是否你個type？）無咩話係唔係我個type，啱feel最緊要，（同馬明啱唔啱feel？)朋友囉，（即係冇機會？只係朋友feel？） 咁人人都有機會㗎、做朋友幾舒服呀（你有沒有送幾萬蚊名錶給馬明？）上次傳都有寫過，哈哈我做咩要對佢咁大方，幾萬蚊geh錶我送過俾我老竇。」聽到心穎BB這麼說，當初對馬明的仰慕都好似已經無晒，所以各位宅男們可以放心啦。