馬納當拿係「被殺」？醫生遭警方調查

足球博彩神器，每日重心提供盡在《彩報》：http://win.on.cc/football/　

阿根廷球王馬納當拿日前逝世，表面死因係心臟病發作，但依家爆出新內情，疑似係「被殺」。阿根廷警方已前往馬納當拿生前嘅私人盧克（Leopoldo Luque）住所及辦公室，進行搜查，並將以非自願誤殺（involuntary manslaughter）方向對盧克展開相關調查。

據悉，馬納當拿3位女兒起訴早前為馬納當拿做腦水腫手術嘅私人醫生盧克，阿根廷警方亦隨即展開調查，包括了解馬納當拿接受腦水腫手術之後，喺康復過程之中，醫生有冇存在醫療過失，或者疏忽職守，導致佢健康惡化而離世。

不過，盧克開記者會呼冤，指馬納當拿一直唔配合治療，同埋做完手術之後，佢嘅工作已經完成，今次被追究，自己只係代罪羔羊。