AV場地影寫真　Rose Ma收狂迷不雅照

電競女神Rose Ma（馬俊怡）到書展宣傳寫真，與同攤位的張沛樂及趙詠瑤交換作品互相支持。身穿Tube Dress的她衣服不停滑落，她直言拍寫真時瘦了5磅，之後再瘦多5磅，但不怕上圍縮水，因有做運動保持身體線條。

自掏荷包買松岡寫真

問到有否留意其他對手？她說：「唔好話對手，好多朋友都出書，係開心事。（有冇留意競敵松岡李娜同楊思琦？）佢哋係前輩，我好鍾意松岡，覺得佢好有吸引力，女仔都鍾意，我會買佢嗰本。至於思琦，我好佩服佢，做咗媽咪仲fit過我，而且出寫真係要好大勇氣，好似我咁，我係特別有肉地，但想試吓可唔可以突圍而出。」

隨書附送閃卡

講到寫真的相片相當性感，問到可有尷尬？Rose直言拍攝前有飲威士忌壯膽，微醉後更快進入狀態。談到其中一個場口在AV專用的泳池取景，問會否怕引人遐想？她說：「唔會，又唔係真係拍AV，但估唔到大家對呢個場地咁熟悉，都係一個賣點。（怕唔怕啲人用啲相有奇怪用途？）其實都預咗，因為係靚相。（有冇遇過狂迷？）未，但就有留言講埋啲好露骨嘅字，網絡世界控制唔到。（有冇試過有人Send下體相畀你？）其實未出寫真之前都有，會封鎖佢。（怕唔怕出寫真後，啲人以為你轉走性感路線？）其實係睇意識嘅，我本書係18歲以下人士都買得，所以覺得問題不大！」她又表示除寫真也會推出閃卡，笑言滿足兒時做明星的虛榮感。