生產力局轄下嘅香港電腦保安事故協調中心（HKCERT）今日總結 2023 年香港網絡保安狀況，並發布 2024年網絡保安預測。

HKCERT喺2023年一共處理咗 7,752 宗保安事故，其中網絡釣魚佔整體個案接近一半（3,752宗，佔48%），對比起2022年上升咗27%，按年錄得雙位數增加，數字創五年嚟新高。同網絡釣魚相關嘅連結仲突破19,000條，同樣錄得雙位數增加，按年增加22%，數目喺四年內增加超過一倍。而網絡釣魚主要集中銀行、金融同電子支付行業，其次就係電子商貿。

HKCERT未來會繼續多管齊下，提升公眾對網絡安全的意識，保障網絡安全。喺事故應變方面，HKCERT 會為公眾提供解決網絡保安事故嘅方法同意見，仲會主動分析網絡安全漏洞，提供實務指引。而喺預防事故方面，HKCERT 會主動出擊，同網絡供應商以及唔同國家嘅電腦保安事故協調中心合作，一齊清除可疑網站。至於公眾教育方面，HKCERT將會同政府資訊科技總監辦公室協辦「網絡安全宣傳周」，擺設互動攤位同電車宣傳，仲會出版網絡安全刊物，提醒公眾關注新興網絡風險。

#hkpc #生產力局 #香港電腦保安事故協調中心 #HKCERT #網絡保安