粤语正字有知道吗？想买粤语正字不知道是字典还是普通粤语书？

不請自來

題主所指正字乃指廣東話用字還是廣東話用字中之正字？

譬如「仲有」通俗來講，係廣東話用字，但佢喺廣東話用字中之正字應該寫作「重有」。

無論學廣東話用字定係廣東話正字，唔一定要買相關書籍，網上大把資源，特別香港網站，前提該等網站冇被大陸封鎖或「你懂的」方式可以登入。

網站如：粵典、維基百科粵語相關主題、粵語協會、粵音審庫（正音方面），呢啲大牌啲嘅，你可以google。

書籍如：「廣州話方言字字典」（香港商務印書館）、「追根溯源話粵語」（好似係）、「老炳潮語」、「粵語鈎沉」（簡體、廣東省出版，只有舊書二手），「粵音韻彙」，等等都係廣東話正字。

節目如：香港電台「粵語一分鐘」，佛山電視台好似有個專講粵語主題節目、珠江台之前甚麼「粵講粵掂」，諸如此類。

我喺大學時期，鍾意研究廣東話，經已10年啦，工作之後，關注甚少，簡單來講，我俾啊題主資訊或會有啲落後。