10月嘅活動除咗有萬聖節，等大家可以扮鬼扮馬之外，當然唔少得一年一度嘅美酒佳餚巡禮啦！今年適逢係Wine and Dine Festival 嘅十週年，為咗慶祝十週年呢個里程碑，今年美酒佳餚巡禮嘅規模都係歷年最大，有共450個攤位等你嚟食飽飲醉！
登入 瀏覽本網站，可獲取積分換領專屬優惠
點擊查看專屬優惠
美食亮點：「品味館」米芝蓮十星晚宴
大會專程請咗五位內地及海外嘅米芝蓮星級名廚來港為「品味館」炮製米芝蓮十星晚宴。5位主廚會於品味館親自下廚，用創意同汗水炮製出融合中、泰、法特色嘅八道配酒盛宴，務求達至色香味俱全嘅佳餚美食。
為咗呢個重點十星晚宴搜集靈感，其中4位主廚已經於日前到達香港籌備。佢哋到訪咗香港唔同嘅街市同餐廳，除咗搜羅食材，佢哋更加落手落腳製作香港嘅地道美食，好似沖泡奶茶同包餃子。真係好期待到時嘅米芝蓮十星晚宴「品味館」呀！
▲法國名廚 Pierre Gagnaire 代表香港文華東方酒店米芝蓮二星餐廳 「Pierre」
▲曼谷米芝蓮一星餐廳「Paste Bangkok」主廚 Bee Satongun ，她亦獲得亞洲最佳 50 餐廳(Asia's 50 Best Restaurants)頒發嘅 2018 年度亞洲最佳女廚師
▲台灣米芝蓮二星餐廳「請客樓」的酒店中餐行政主廚林正青
▲新加坡米芝蓮二星餐廳「四川飯店」行政總廚陳建太郎
▲上海外灘的米芝蓮一星餐廳「大蔬無界」主廚陳加紅
十年期間限定：限定版酒品
愛酒嘅朋友今年有福啦，由於今年係十周年，所以美酒分別會有第十屆限定版同 2009 年份系列，兩套精選酒單都係今年獨有，有興趣嘅朋友記住要快手搶購啦！
▲2009 年份系列：2009年出世嘅酒品，一定有一款啱你口味
十年期間限定：「環球街頭小吃」區
顧名思義喺呢個區域會食到各國街頭美食，除咗香港同台灣嘅街頭美食之外，仲有韓、歐、拉丁美洲等 7 個地區嘅地道食品，等入場人士可以嚐盡環球滋味！
十年期間限定：「咖啡園」展區
如果唔想食得太heavy，呢個展區就啱哂鍾意輕食嘅你！「咖啡園」除咗有城中多間著名咖啡店外，仲請嚟多間烘焙甜點店，為入場人士帶黎精緻又好味嘅蛋糕同麵包。精美嘅蛋糕配襯埋濃郁嘅咖啡，簡直係人生一大享受！
必食亮點：Tea Set、創意型格小食、超人氣環球美食、品味Coffee and Cake
▲期間限定萬聖節下午茶
「品味館」將於10月28日呈獻由香港文華東方酒店糕點總廚Yves Matthey精心設計的萬聖節下午茶，包括15款節日主題造型的的精緻甜點、6款滋味鹹點、鬆餅配玫瑰花果醬及牛油忌廉，以及無限量暢飲Bollinger Special Cuvée香檳，數量有限，售完即止。
▲第十屆限定版：Favilla Fuji 甜酒雪糕杯
Wine and Dine還帶來18間城中最具人氣的型格餐廳，包括「酒鍋」、「Oddies Foodies」等，當中更有不少活動限定版美食，如：避風塘芝士腸粉、海鹽焦糖雪糕菠蘿包及臭豆腐麻辣鴨血堡等至新至潮的美食。
▲臭豆腐麻辣鴨血堡
多款精品咖啡及精緻烘焙美食，當中包括由名人陳豪主理的咖啡品牌，更有人氣韓國甜品店「百味堂」進駐提供招牌蛋糕。
必飲亮點：名人珍藏佳釀、限定手工啤酒、得獎桃紅汽酒
▲桃紅酒花園
為慶祝活動十歲生日，多位城中名人特意捐出珍藏名酒供公眾品嚐，當中包括15公升的巨型波爾多美酒Chateau Lascombes 2004，每日黃昏5時開瓶共享，公眾可參與Super Time有獎遊戲以贏取試飲機會。
▲第十屆限定版：生日蛋糕味手工啤酒
現場更引入多款限定版酒品，如：慶祝活動第十屆的生日蛋糕味手工啤酒及首次推出的限量版「獅子山下」威士忌等；又特別找來美酒佳餚巡禮面世年份酒品，其中包括100分紅酒，別具紀念意義。
更可品嚐到約15個Rosé品牌及多款Rosé雞尾酒，當中包括由香港釀酒師於澳洲釀製的得獎桃紅汽酒。
必打卡亮點：巨型蛋糕「打卡位」、Super Time有獎遊戲、無人飛機表演、人氣歌手及樂隊輪流演出
會場中心設置逾七米高巨型蛋糕「打卡位」，巨型蛋糕每隔一小時轉動時，Super Time有獎遊戲時間隨即開始，送出總值逾一百七十萬元的禮品，包括波爾多住宿及旅遊套票、機票、美酒美食、品酒劵等。
為慶祝活動第十屆，維港上空將首度上演無人機表演，每晚7時，100架無人機將在維港夜空以燈光砌出多款圖案，例如「10」字樣、生日蛋糕及酒杯等，表演長達7分鐘，萬勿錯過。
主舞台每晚將上演不同音樂表演，包括人氣表演嘉賓JW王灝兒、RubberBand及Dear Jane等。而Viu TV「全民造星」的最紅偶像更會於10月27日晚現身，帶來精彩的舞台表演。
「建行(亞洲)香港美酒佳餚巡禮」活動詳情
日期：2018年10月25至28日
地點：中環海濱活動空間及添馬公園
更多詳情按此