富金海鮮酒家

營業中

休息中

昨天是我們初中同學的聚餐，因為交通方便，因此再次選擇這個屋村Old and Dirty餐廳。因為認識老闆，我預先給他24人菜單和要求，結果飯後大家的評價都十分高。首先，燒臘拼盤水準就是非一般的好，燒鴨肉厚味十足，燒腩仔香脆可口，豉油雞也很juicy；澳龍不單斤兩十足，上湯味也鮮濃；其它的如海瓜子、炒菜、陳腎鯪魚湯都超乎預期。埋單連啤酒每人不到600。我推薦如果在這裡要吃得好，先要鄒老闆寫菜，這樣應該不會讓大家失望。

公公住果頭周不時去探佢唔想佢老人家🧓甘辛苦行遠路係附近搵野食老人家最鍾意一定係飲茶好啦 甘食呢間富金食過兩三次 頂路順 真係又貴又劣食服務態度就更加唔洗講普通鳳爪排骨飯 唔講其他 d飯係濕 寧願同公公坐的士🚕出去飲茶 🫖

作為一間 全邨得一間茶樓本住呢個point完全hea做寧願行多幾k出上水飲茶算真係唔得…裝修後 只不過係蛇身上再畫多左幾隻腳不如認真從食物質素 服務態度上改革下仲好治本呀

本來對清河邨的富金沒有感覺，因為自從2020年疫情事件後，媽媽做節都選擇來這兒食，但經過今早的經歷後，便決定要把它列入黑名單！事緣係和媽媽人去飲早茶，在等媽媽時，見到一位侍應捧住很多碗排骨飯，但這個女待應竟然冇戴上口罩！還連續兩次！跟著，在食的期間，發覺有食客離開坐位結帳及拿嘢時亦不口罩出來！跟經理反應，但他以看不到的理由而不理會！好！既然是這樣，我一於列入黑名單！不再光顧！亦叫媽媽不再這兒買外賣！

难得有一天来到上水，疫情期间很久没有吃广东点心，于是进去这家店吃一个点心午饭。内裏装修极其简陋，服务员的服务也非常一般。但附近都是公屋居多，做公屋的客户服务实在不能要求太多。但也没有想到可以差到这个地步。叫了一壶普洱茶最后只来了一壶热水。埋单的时候还收了茶位费，跟前台投诉那个服务员还居然说为什么我没有提醒他，真的无语了。点心一般香港午餐价钱，点了三个点心连茶钱和加一82元港币，说实话并不便宜。点了虾米煎肠粉 四宝滑鸡扎和 鲮鱼球。虾米煎肠粉做得太油腻实在太多油，感觉不太健康。鲮鱼球味道做得不错，份量非常大。滑鸡扎配料很充足，鸡肉比较嫩滑，裏面的冬菇也非常大，虽然价钱 整体贵了一点 但份量还是充足的。但环境和服务必须要改善。

本身對於屋村酒樓都冇咩期望㗎啦，但係估唔到order既款款點心都唔多掂，質素平平之餘仲唔係好食得落⋯⋯叫咗燒賣，有明顯既肥膏⋯鳳爪表面個蒸籠係熱，但係啲鳳爪係唔熱既，點心熱辣辣係基本啦，拎去返蒸都唔拎過籠新嘅過嚟⋯⋯叉燒腸，啲腸粉皮厚到以為食緊粉團，最差嘅口感⋯⋯煎堆，炸得唔金黃，唔知擺咗幾耐⋯⋯炒米粉，冇咩鑊氣，冇咩配料，油林林嘅炒米粉⋯⋯整體來講，每一樣點心都唔係好掂，可惜呢度冇第二間酒樓，冇比較自然就冇進步.

今日諗住放假唔出街走落樓下買個燒肉鴨飯外賣!問佢拎一包甜酸醬話要比$3，唔係錢既問題係直唔直姐，出面事但一間買得燒鴨飯點都有一包啦，個飯右乾爭爭燒肉右一浸雪味超難食🤮🤮🤮🤮🤮🤮🤮🤮🤮🤮

即係如果要同親友食飯, 多數都係去酒樓, 都係食果D野, 所以我都冇乜要求, 主要都係想同班隱居深山既督友傾下近況個牛肉就其實冇乜牛肉味既, 不過個喼汁幾好食喎, 而且肉質都幾淋, 有5/10分啦個菜心都幾多渣下, 而且個豉油唔夠咸又唔夠甜, 3/10比多佢個燒鵝雖然冇乜特別, 皮肉又分離又多油又韌又唔熱, 但勝在夠平, 都可以比5/10既

今日下午我們去咗上水清河商場嘅「富金海鮮酒家」飲下午茶！我們叫咗富金蝦餃皇、鮮蝦豆苗餃、順德鯪魚球、豉汁蒸鳳爪同懷舊棉花鷄！富金蝦餃皇嘅大蝦非常大隻同爽口彈牙！鮮蝦豆苗餃嘅餃皮好煙煙韌韌，餡料相當豐富！順德鯪魚球嘅鯪魚肉相當鮮味彈牙！豉汁蒸鳳爪嘅鳳爪炆得好腍好入味，醬汁亦好惹味！懷舊棉花鷄嘅魚肚吸收晒醬汁嘅味道，非常惹味，鷄肉亦相當嫩滑！

一段時間冇入過上水, 因為媽媽係呢度, 要幫佢做生日, 佢又行動唔方便, 所以黎左佢樓下食其實門口個樣好似唔錯咁魚腩炒菜其實幾靠味精, 味道比較咸, 魚肉冇乜味, 菜又有好多渣咁...老公就話佢地個黑啤唔錯, 苦澀得黎有麥香, 唔會太難入口另外叫既炒飯都算OK, 不過就唔知點解, 比較乾身同鞋口, D料同樣都係鞋口, 不過好多都係瓜類, 所以冇乜所謂新唔新鮮而已...

適逢婆婆的70大壽, 她又行唔到太遠, 所以我地一齊入左上水食飯, 普普通通的椒絲腐乳通菜, 份量好多, 不過味道比較淡, 成個菜好稀, 味道唔算突出但都OK既頭腩有部分好好食, 頗鮮味, 而且個蒜蓉調得幾好, 加埋軟軟滑滑既頭腩, 啖啖肉都唔錯, 但唔係舊舊都咁好食, 可能有D部位比較參差啦芋頭扣肉煲最岩我, 又肥又多汁, 五花腩夠厚而且D肉入口即溶, 最岩用黎撈飯! 而芋頭又飽肚, 獻汁甜甜地極開胃, 夾埋扣肉食一流

嫲嫲新居入伙, 我們一行10多人去幫佢慶祝,不過地點比較不就腳, 酒樓只有一個選擇呢首先黎既中式牛柳獻汁非常多, SIZE極大, 幾乎係一般既2倍, 但肉味欠奉, 無乜咬口, 只像一塊好大既瘦肉一樣, 獻汁亦唔夠酸, 中式牛柳神髓=0炸子雞的樣子不錯, 可惜太過乾硬, 皮去到堅韌既地步, 而且皮肉分離, 似係雪藏很久, 連雞腿都毫無雞味...鵝掌好似營養不良般, 非常瘦亦有陣陣腥味, 冬菇味道頗香濃, 但亦非隻隻如是, 有幾隻被親戚朋友嘗出了異味, 是什麼味我自己就冇試了烏雞湯跟湯渣, 隔油功夫做得不錯, 可惜本身湯底實在咸得難以入口, 比茶餐廳的例湯更咸糊狀的綠豆沙, 無甜味無咬口無豆味, 說白點就係一碗漿糊...

這間酒樓自從裝修了後，變得非常差劣！無論食物及服務都惡劣！上個月契婆婆的女兒從美國回來旅行，她們母女來上水探我們，因為媽媽不舒服，我們只好在這間酒樓吃。在吃的時候，我們叫了好幾樣食物，但酒樓話不再做這幾樣食物，南瓜餅也欠奉！我聽後已經非常不滿，如果媽媽她們不在場，我必定痛罵一番！ 就連契婆婆的女兒都說：沒有就”差”咗佢嘛！菜苗餃竟是芫茜餃，好難吃！芫茜好臭！所有食物都是凍的，賣相也非常馬虎！但經過今日的事，我決定把這間酒樓列入黑名單！話說今日母親節，準備請媽媽到這兒打邊爐，但來訂位的時候，老闆話今日沒有火鍋！我無名火起，問：但出面話有的，但他嘻皮笑臉，說：因為今日母親節，所以沒有！我火來了，問：為何不把暫停供應貼上門口那張海報？他繼續嘻皮笑臉說：昨日已經沒有！好，既然是這樣，我決定把這間不知所謂的酒樓列入黑名單，以後除非清河邨委員會話在這兒搞那些聚餐，我是絕對絕對不會來這兒吃的！

叔叔今晚因為出了糧，所以便請我和媽媽吃晚飯，由於我有十幾年都沒有吃過龍蝦，所以便去吃此店的龍蝦孖寶套餐（龍蝦一焦及半隻脆餐燒雞）。但來到之後發覺這孖寶套餐今日暫停供應，我們唯有散叫。於是我們叫了：上湯焗龍蝦一隻（不跟伊麵底）冬瓜盅一個（經理推介）脆皮燒雞半隻粉絲雜菜煲上湯焗龍蝦－好正呀，龍蝦好鮮甜，個汁好好味，有很多蔥係上面，正！冬瓜盅－這個不用講啦，簡直是無得頂呀！正，Ｄ瓜好鮮甜，不錯！正！脆皮燒雞－今次就好好味，好滑，因為去年清河邨搞回歸宴，有燒雞吃，不過好”鞋”，但今次就好滑，而且不鹹，正！粉絲雜菜煲－不錯，好多菜，但唯一不好是粉絲太少，多少少及硬些就更加好！服務就很好，很有禮貌，不錯！希望佢地會出瑤炷節瓜甫啦！

今日因為阿叔話請食飯，所以定過決定後來這兒吃晚飯。我叫了一個孖寶套餐：半隻貴妃雞　 ＋豉汁蒸黃立倉另叫了一個海黃豆腐羹、粉絲什菜煲首先是講半隻貴妃雞不錯，不太鹹，因為我不太喜歡吃外面的白切雞，因為好鹹，但這皃的貴妃雞不太鹹，而且好好味！豉汁蒸黃立倉:不知好不好味，因為我不喜歡吃蒸黃立倉，平時我們吃黃立倉都是媽媽用煎的方法。海黃豆腐羹好好味，有很多海鮮粒及蛋白及豆腐在羹內，好滑，不錯。粉絲什菜煲好好味，因為我叫她是因為有很多菜在這兒，但粉絲實在太少了，如果有多些粉絲就更加好吃。後來因為阿叔話不夠飽，所以要叫多一個餸，最後媽媽叫了：鹹肉炒韭菜花鹹肉炒韭菜花好好味，有很多韭菜花，好爽口，我吃了很多韭菜花