【腦場掃地僧 ㊙️】行貨、水貨 ? Tray 裝定盒裝 ? 砌機買 Intel CPU 最緊要留意 D 咩好 !! #實用文 ———————————————————— 原來好多 HKEPC 讀者分唔清 Intel CPU 行貨、水貨,Tray 裝同 Box 盒裝有咩分別,所以貧僧就簡單咁同大家講解下啦,其實香港有好多代理賣緊 INTEL CPU,但只有 SYNNEX 聯強呢係香港正式代理,所以只有 SYNNEX 聯強貨先至係「行貨」,其他代理其實全部算係水貨。 以前 Intel 係會嚴打水貨,如果查到水貨CPU Serial,會係源頭到斷貨積極打撃,但後來 Intel 都懶理就搞到香港好多代理入水貨翻來賣。 咁盒裝同 Tray 裝有咩分別呢,盒裝呢就係直接零售市場,無論水貨同行貨都好,除咗代理會提供 3 年保養,用家亦可以直接向 Intel 申請 RMA 保養,Intel 會叫快遞來收回,然後寄翻粒新嘅畀你,好正架。 Tray 呢就係 Intel 畀 OEM、砌機市場,唔會直接賣畀用家,但其實行貨水貨代理都會照賣出去,SYNNEX 嘅 Tray 裝就唔會有盒真係得粒 CPU,其他代理就自已搞個盒賣,Tray 嘅保養無論行水都係由代理自已搞翻,唔可以享受 Intel 原廠 RMA 服務 。 此外,Intel 經 OEM 嘅 Tray 裝 CPU 只提供 1 年保養,但係各間代理為提升競爭力,Tray 裝都會自已私保 3 年同 BOX 睇齊,所以價錢平少少,唔太介意嘅無咗個靚盒平少少囉。 Non-K 嘅 Intel CPU 盒裝會連一個 19 原裝散熱器,Tray 裝就唔包散熱器,如果預算有限要用原裝散熱器嘅,咪買BOX 裝,唔用原裝散熱器嘅進階用家,其實平少少買 Tray 都唔錯。 #以上咁重要嘅資訊係由RIVIA代理提供 腦場掃地僧 - HKEPC #歡迎報料 Rivia Technology Ltd.
【腦場掃地僧 ㊙️】行貨、水貨 ? Tray 裝定盒裝 ? 砌機買 Intel CPU 最緊要留意 D 咩好 !! #實用文 ———————————————————— 原來好多 HKEPC 讀者分唔清 Intel CPU 行貨、水貨,Tray 裝同 Box 盒裝有咩分別,所以貧僧就簡單咁同大家講解下啦,其實香港有好多代理賣緊 INTEL CPU,但只有 SYNNEX 聯強呢係香港正式代理,所以只有 SYNNEX 聯強貨先至係「行貨」,其他代理其實全部算係水貨。 以前 Intel 係會嚴打水貨,如果查到水貨CPU Serial,會係源頭到斷貨積極打撃,但後來 Intel 都懶理就搞到香港好多代理入水貨翻來賣。 咁盒裝同 Tray 裝有咩分別呢,盒裝呢就係直接零售市場,無論水貨同行貨都好,除咗代理會提供 3 年保養,用家亦可以直接向 Intel 申請 RMA 保養,Intel 會叫快遞來收回,然後寄翻粒新嘅畀你,好正架。 Tray 呢就係 Intel 畀 OEM、砌機市場,唔會直接賣畀用家,但其實行貨水貨代理都會照賣出去,SYNNEX 嘅 Tray 裝就唔會有盒真係得粒 CPU,其他代理就自已搞個盒賣,Tray 嘅保養無論行水都係由代理自已搞翻,唔可以享受 Intel 原廠 RMA 服務 。 此外,Intel 經 OEM 嘅 Tray 裝 CPU 只提供 1 年保養,但係各間代理為提升競爭力,Tray 裝都會自已私保 3 年同 BOX 睇齊,所以價錢平少少,唔太介意嘅無咗個靚盒平少少囉。 Non-K 嘅 Intel CPU 盒裝會連一個 19 原裝散熱器,Tray 裝就唔包散熱器,如果預算有限要用原裝散熱器嘅,咪買BOX 裝,唔用原裝散熱器嘅進階用家,其實平少少買 Tray 都唔錯。 #以上咁重要嘅資訊係由RIVIA代理提供 腦場掃地僧 - HKEPC #歡迎報料 Rivia Technology Ltd.