【 強檢消息】由於大埔廣福邨廣義樓、粉嶺牽晴間第 5 座同香港仔鴨脷洲邨利添樓嘅污水樣本對新冠病毒檢查呈陽性，懷疑大廈內有隱形患者，經評估後相關區域感染風險有機會較高，政府決定就有關大廈作出限制與檢測宣告。相關受檢人士必須留喺處所並按安排接受強制檢測，直到區內所有已識別嘅受檢人士都完成檢測同大致確定結果，先可以離開。為審慎起見，已接種新冠疫苗同近日做咗檢測嘅人士都要接受檢測；而喺 3 個月內曾經檢測呈陽性結果嘅人士，包括衞生署已記錄核酸檢測陽性個案同已申報快速抗原測試陽性個案，就唔使接受檢測。