飯戲攻心｜鄧麗欣VS林明禎「最佳女友」二選一 王菀之先係最有潛力？
鄧麗欣大比數勝出
鄧麗欣和林明禎在《飯戲攻心》中分別做黃子華前度及現任女友，除了戲中大哥黃子華成焦點，兩位女星之間的比較亦很有睇頭，近日有網民在討論區，以「鄧麗欣定林明禎？」為主題，網民反應熱烈，最後聲稱自己有份同鄧麗欣「一同長大」的網民，就以壓倒性票數揀鄧麗欣，並大數她完勝原因，直指揀Stephy：「毫無懸念」。
鄧麗欣「瞓係度都贏」
講到體態，林明禎練得一身好線條，鄧麗欣似乎明顯不及，但就有網民反駁，用「現役」Stephy同林明禎比，恐怕唔夠準確，因為林明禎無論年齡身形都剛剛好，咁樣對目前已轉行成熟穩重路線的Stephy就非常不公平，因此應該用各自兩人「全盛期」比較會更加貼切，例如至少用鄧麗欣清純路線時的打扮做比較。
講整體性 明禎竟然輸蝕？！
最後網民討論之後表示鄧麗欣其實已經贏晒。而對於兩人外貌身形，網民就指鄧麗欣資質純天然無添加，林明禎就有上身僭建加工、造假甚至「變樣」之嫌，剩係呢點已經好難贏Stephy。網民更加話：「屎塔肥（Stephy）世一㗎喎，點比？」、「講身材睇整體性，Stephy雖然纖瘦，但望落去都係引死人嘅！」、「Stephy似係嗰啲平時密密實，好少可露下就好矜貴」、「諗咗陣，我都係揀鄧麗欣」。
鄧麗欣清純成熟carry到 林明禎只可以做女神
有網民指出鄧麗欣與港人好有親切感，鄰家女孩feel爆燈「女朋友、老婆一定係揀Stephy。」更指她有獨特的港式美麗！當然林明禎唔係話唔靚，而係距離好遠，感覺非常之女神。可以親自睇住Stephy出道到現在依家變得成熟，體驗同感受完全唔一樣呢！
支持林明禎網民指層次唔同
有支持林明禎網民就指，林明禎願意為觀眾付出，做運動Keep Fit，而且也經常放短片同觀眾打成一片，就算有好多「變樣」同「變形」傳聞，當你知道有個女仔肯咁努力博大家歡心，咁都係一件好事呀！當然都有網民話：「我要晒！」
鄧麗欣愈大愈有女人味
Stephy十七歲出道，觀眾睇住佢成長蛻變，比起林明禎出道不到十年，自然是前輩級，有指Stephy身為「長輩」級都快四張，點可以同「後生女」林明禎比，有網民指「Stephy全盛時期一定贏明禎」、有網民即反對：「我覺得啱啱出道嘅Stephy未成型，仲baby fat，係呢十年開始愈來愈索」、「用依家嘅Stephy都贏林明禎啦，自報歲數我今年十八歲，我老豆五十幾歲都係揀Stephy喎！老豆話佢後生同依家係3不同嘅正喎！」、「雖然Stephy歲數已達姨姨級，不過愈來愈有女人味，堅係索喎！」，即有網民指「唓！林明禎都32，大家都係三張啫」，但的確Stephy都只係比林明禎大6年。
重溫Stephy蛻變
鄧麗欣純天然素顏又睇得
有網民指Stephy大家睇住佢大，證明全身上下都係純天然，更把少女時的象腿都成功減走，對鄧麗欣多年來的保持純天然大大加分，有網民指：「林明禎個樣好膠喎，塊面硬晒！」、「林明禎好多地方都造假。」、「Stephy平時都好淡妝，睇佢《男排女將》就知，係有埋氣質嗰下正。」、「鄧麗欣素顏都好睇得。」、「Stephy唔化妝都幾正，嗰時同王子拍拖都冇姊弟feel」等
觀眾解讀導演心思：「煮飯婆」王菀之先係最辛苦！
雖然兩位「最佳女友」引起熱議，但亦有觀眾按劇情解讀導演的心思，認為《飯戲攻心》戲中負責煮飯的王菀之才是最佳女朋友，劇情亦實在講出「屋企負責煮飯嗰位好重要、往往被忽視」，其實煮飯都係一門學問，由安排煮飯的先後次序，去控制所有餸上枱時的溫度，絕對唔容易，但負責食嘅通常都係老奉兼唔會珍惜，仲嫌三嫌四。
馬拉妹林明禎台灣發展不順30歲轉戰香港
32歲林明禎出身大馬，六年前到台灣發展， 憑甜美笑容加上魔鬼身材，在台灣人略有人氣，雖然出過唱片、開過音樂會、拍過劇，但未能跑出，踏入30歲開始轉戰香港，過去一年長留港，終為香港「廣告女王」，瘋狂吸金！
林明禎變香港人！情人節現身香港海傍打卡
大馬女神林明禎近月在香港十分活躍，因為疫情關係滯留香港，計算下來已經接拍了十多個廣告、三部電影，與黃子華鄧麗欣合作的賀歲片《飯氣攻心》雖然未能上畫，但工作仍然應接不暇長期獨居酒店，女神沒有偷懶，繼續Keep Fit，最近再度露腰，自拍鏡頭下身材又再升級！
情人節當日天朗氣清，女神林明禎走到尖東海傍打卡。有心水清網友發現林明禎不止一次在紅磡及尖沙嘴海傍自拍，無論係日間打卡還是夜晚跑步都係同一個路線（詳見下文）：
林明禎自從疫情爆發後，因工作要往返香港、台灣及馬來西亞三地，年多以來，已先後接受隔離7次，她笑言自己都已變成「隔離達人」，學會享受獨處。對於fans而言，每次女神酒店自拍都係焦點，見到女神展示的傲人身材，讚好都破紀念以十萬計算！
紅磡海濱跑步被起底
今次林明禎留香港最長時間，期間更度過了31歲生日，更拍攝了多個廣告，由於廣告戲份需要跑步，所以也把握拍戲的工餘時間在紅磡海邊練跑。
