1
0
1
話說喱間經營咗三十幾年嘅屋邨酒樓租約到期, 最後不獲領匯續約, 於是今朝就去咗飲早茶....喱點心都冇退步, 尤其係蝦餃好食, 啲粥都唔錯~最後喱間服務街坊超過三十載嘅酒樓晚上九點就落閘執鋪了, 從此告一段落!!
繼續閱讀
娘親生日諗住擺返兩圍賀一賀佢聽聞呢間酒樓食物質素改善咗又近屋企咪book咗兩圍全包宴(每席$2480)人手方面怪怪的, 可以大半個鐘都冇人喺房度服務要走去櫃檯先搵到人攞返個蛋糕嚟切最搞嘢係個侍應重問我哋有冇帶叉嚟食蛋糕....聽到真係O晒咀 講真餸菜嘅味道都ok, 個賣相都唔錯首先嚟碟白灼蝦,都幾大碟, 好新鮮上菜速度超快,未食晒已經上乳豬唔肥,不過個皮唔太脆冬菇鵝掌, 啲冬菇都幾大隻同爽口, 鵝掌都幾入味蟹肉扖時蔬, 超大碟,可惜啲西蘭花硬咗啲之後嘅魚,老人家們話幾好,幾新鮮燒雞就一般本來大家都幾滿意, 但係.......上到糖水就出晒事, 首先聽到隔離枱話好"燶"味喎點知一睇我嗰枱重大鑊....點解咁多"蟲蟲特工隊"嘅???個侍應話係煲燶咗啲嘢啫, 我話有腳有翼喎!?佢即時想攞走, 我即刻阻止要影相留底雖然廚房即時整"蛋花糖水"代替, 大家都冇乜胃口食重要冇人嚟道歉, 得個侍應話唔好意思講真...雖然係屋村酒樓, 都要有衛生架, 重要有待客之道啩???
繼續閱讀