41歲王宗堯偏愛嫩口女生 歷代女友皆正妹

撰文：東方新地｜ 圖片：新傳媒資料庫、Instagram

陽光檸檬茶新廣告

早排出街的陽光新廣告的確有懷舊味道，衣著、場景都係80年代feel，畫面矇矇哋扮低清，拍返個甜蜜初戀故事。不過有唔少網民睇完就覺得Dear Jane幾位成員似乎太「成熟」，冇咗一種青澀感覺，男主角阿Tim本身都36歲，好似叔叔媾妹妹咁！

仙氣Chloe激似周慧敏

不過成個MV焦點係女主角，前組合As One成員Chloe(蘇皓兒)，笑容甜美，又pure又true，矇矇哋畫面令佢仙氣更突出，唔少人仲覺得佢喺MV中好有周慧敏影子！小編都真係睇到暈暈哋！

Chloe名花有主

Chloe外貌清純可愛，不時做做運動，又同王宗堯一樣鐘意玩相機，唔怪得王生嗒晒糖啦！可惜都係分手收場！

最近轉咗短髮look，一樣咁正！

Chloe外表清純又可愛，笑容甜美，邊個男士會唔like？

王宗堯歷任女朋友

嫩模黎紀君(Christy)

其實除咗Chloe之外，做得王宗堯女朋友原來都係正妹！其中一個女友為模特兒黎紀君 (Christy Lai)。Christy喺PolyU讀書個時已經係頗有名氣嘅模特兒，身材索爆，雖然曾被指整容，但仍然被封為女神，之後被公司熱捧做藝人，拍過「邦民女」廣告同不時出席大大小小活動。但據悉，Christy嫌王宗堯太黐身，拍拖八個月就狠撇對方。

《同班同學》蔡潔

而王宗堯另一個前任女友蔡潔就係拍電影《同班同學》認識，同前前度Christy分手後，二人迅速撻著。王宗堯曾經在IG發布同身材好好嘅蔡潔嘅浴室合照，當時佢半裸上身。不過，愛得火辣半年都唔夠，最後王宗堯還是被分手。

王宗堯專同廿幾歲女仔拍拖

39歲的王宗堯，多年來都專搵細自己十幾年嘅靚女拍拖。之前佢喺《杜汶澤食住上》做嘉賓時，阿澤大爆佢亦曾經搭上Dada陳靜同「浸大E神」Carol楊梓瑤，兩人當時都係十幾廿歲，而同Christy拍拖時，對方當時亦是22歲，唔通王宗堯有種妹妹情意結？

陳靜（Dada）

「浸大E神」楊梓瑤(Carol)