0

【儲蓄】45個實用儲錢慳錢小貼士。一年可以儲$60,000

改變你少少嘅儲錢/慳錢生活習慣其實就已經可以大大咁改善你儲蓄,更可以幫你慳錢同埋控制預算。無論你揾$8,000一個月,定係$800,000一年,你都應該踏出第一步嘅儲錢/慳錢計劃。以下我有45個儲錢貼士俾你參考,當然未必每一個貼士你都用得著,你只要跟住你覺得最用嗰15個貼士都已經足夠。

想儲錢?幫幫手做問卷,每份問卷可賺達$1,217,免費加入

45個簡單儲錢方法:

1. 將你個銀行戶口轉去其他銀行

如果你而家每個月都要俾銀行月費,我建議你留意下其他銀行有冇d免月費戶口。香港其實有好多銀行為咗吸納新客戶都會有d新開戶優惠,例如新戶口用作出糧戶口滿幾個月,銀行就會贈送幾百蚊超市禮券,又或者有較高存款利息。如果你不厭其煩咁每幾個月轉一次戶口,一年你都賺唔少。

2. 唔睇電視就熄咗佢

你每日開少兩三個鐘頭電視,你一個月都可以節慳幾十蚊電費。除此之外,你熄咗個電視仲可以令你減少睇d引人洗錢嘅廣告。另外,網上都其實有好多免費節目,如果你想儲錢就最好cut曬所有收費電視台。每日用3個鐘頭做下自己d side business揾錢仲好過。

3. 唔好再儲收藏品,最好開始賣走佢

我小學時就鍾意儲閃卡,中學就鍾意儲郵票同埋麥當勞玩具,你估下我最後我點處理呢d收藏品?答案係我都唔知,可能係搬咗幾次屋後唔見曬,即係話呢d所謂收藏品最後對我嚟講係完全冇紀念價值。前幾年滙豐為慶祝150周年紀念出過d特別鈔票,當時個個都話日後會升值云云,而家過咗幾年喇,你可以上網睇下呢d鈔票賣緊幾錢,你睇完之後應該慶幸你當時爭唔到。

如果你想避免同類事情再發生,你就唔好再浪費時間收集任何收藏品喇。留翻d錢儲起佢好過啦。另外,市面上有好多傳言聲稱某d產品或者收藏品都日後會升值,何必相信傳言或某某限量版東西會升值。

想儲錢?幫幫手做問卷,每份問卷可賺達$1,217,免費加入

4. 登記做會員

無論你住邊度,附近一定會有好多唔同鋪頭歡迎你登記做會員。登記會員時,份表格多數都會要求你填寫電郵地址。呢D公司會間唔中send d咩買一送一、9折貨品、清倉優惠等等嘅廣告俾你。你可以求其開個新電郵專係用嚟登記做會員,到你打算買嘢時就開一開嚟睇,不過你唔怕自己個電郵成日收到垃圾郵件,你都可以用自己個電郵做登記嘅。

5. 送俾人d禮物唔一定要買

大時大節、朋友生日時,你又想儲錢、但又唔想送禮時太失禮,你可以自己整d禮物送俾人。我識有個朋友畫畫好叻,佢好多時都會親手畫幅畫俾朋友做生日禮物,而佢d朋友亦非常鍾意,仲會將幅畫掛出嚟。咁你又慳錢、有大體。

6. 掌握30日免費試用

好多網上產品都有免費試用期,例如每次登記都有30日免費使用。好似音樂播放app 《Spotify》咁,用電郵登記後就可以先免費用30日,之後就要$58個月。但其實你只要每30日用唔同電郵登記一次,你一年已經慳咗6、7百蚊。又或者你每個月咁搞怕煩,你可以等過咗免費試用期後唔好續住,可能間公司會再俾discount你。

7. 去買嘢前準備定購物單

慳錢儲錢另一簡單方法就係只買有需要嘅嘢。因為當你唔諗定買咩就出去,你最後多數都會買多咗d無謂嘢。所以你買嘢前準備定張購物單,出到商場只係買張單上面寫嘢,唔好買其他嘢。

想儲錢?幫幫手做問卷,每份問卷可賺達$1,217,免費加入

8. 約朋友去你屋企坐好過出街

如果想見下一個好耐冇見朋友,其實唔一定出去出面食餐好嘢。如果你同埋你朋友唔介意的話,約係屋企食嘢或者飲杯嘢就划算得多。再唔係就買定10支8支啤酒加幾包花生係屋企都總平過出去酒吧傾計。

9. 衫褲鞋襪整得就整

拉鏈壞咗、條褲穿咗個窿、鞋底磨蝕等等其實可以自己整一整就可以繼續著,或者去附近街市揾人整都好平。想儲錢就唔好咩都買過新。

10. 令小朋友開心,唔需要用好多錢

所有小朋友,尤其係5歲以下嗰d,其實好容易就好開心。你俾$100去play house玩,不如帶佢地落公園玩1、2個鐘頭、踩下單車、夏天就去玩下水、或者係屋企俾d唔用雜志報紙佢地剪下嘢都可以好開心。你要記住,小朋友最想要係你時間,唔係你俾到佢地物質。

11. 信用卡結餘轉戶計劃

如果你有用信用卡,但每個月只能夠還最低還款額,你就一定要開始了解一下市面上好多銀行都能夠提供信用卡結餘轉戶計劃。即係話將你現有信用卡或者貸款結餘轉至令一張信用卡,以享受利息優惠,一般都係5-6%,有時銀行做緊推廣時仲可能提供免息結餘轉戶。

12. 清理下屋企

得閒就清理下屋企睇下有冇d好耐都冇用嘢。好多嘢都其實有好多其他人都需要,如果你唔想送俾人,可以考慮上eBay、Yahoo賣走去。我試過係屋企揾到部冇乜點用過平板電腦,部平板電腦係我以前申請信用卡時迎新禮品,最後我係eBay賣咗去,竟然都賣到成$400。

想儲錢?幫幫手做問卷,每份問卷可賺達$1,217,免費加入

13. 飲多d水

飲多d水唔單止令你身體好,仲可以幫你慳錢。香港好多人屋企個雪櫃都有好多唔同飲料,如檸檬茶、可樂、寶礦力等等。呢d飲料對身體冇益又浪費金錢。不如飲多d水好過。如果你屋企長期儲備呢d飲料,你每個月都要洗多一百幾十起碼。

14. 戒烟,戒酒

一包煙要$50的話,每日食少包煙你一年可以慳$18250。一個星期你飲少$100酒,你一年再可以慳多$5200。呢個數冇你一個月人工都有你半個月人工掛?

15. 熄燈

雖然燈耗電量唔係好大,但你長期開著都有一定耗電量。唔需要開燈時就盡量唔開,一來環保、二來唔多唔少都慳到d電費。

16. 該用LED燈泡

LED燈泡成本係貴d,但長遠嚟講,由於呢類燈泡比較節能,你應該每年都可以慳幾十蚊。

想儲錢?幫幫手做問卷,每份問卷可賺達$1,217,免費加入

17. 買質量好電器

香港以前有間家具電器鋪叫DSC德爾斯,佢賣嗰d電器都係d雜牌子,售價比較平,我都曾經為左慳d錢幫襯呢間嘢買電視雪櫃洗衣機。點知唔夠兩年就全部壞曬,結果都係要買過新。如果我當初唔係為咗平就唔會因小失大。

18. 汽車空氣過濾器

乾净過濾器會改善汽車耗油量,令你部車每行15000公里慳$500油左右。

19. 善用信用卡

好多信用卡都有積分計劃,例如恒生銀行Cash Dollar、Citi Rewards信用卡。你每次用信用卡買嘢都會儲到積分,積分日後可以當現金買嘢或者換領其他禮品。雖然每間銀行信用卡積分計算方法都會有出入,但都係大概每簽夠$200-$300左右都會有$1獎賞左右。如果一大班人出去食飯時你每次都負責簽卡,其他人俾翻現金你,同埋出去買任何嘢都簽卡,你一個月多一百幾十蚊獎賞其實好容易。

 20. 格價、等特價

寫低10-20樣你成日都要買嘅嘢,同埋寫低你買咗幾錢。你出開去買嘢時就比較下價錢,平過你個list先買,然後再更新你個list個價錢,咁你以後買同一樣嘢時就會自自然然咁格價。如果你經過某d鋪頭發現你個list上面嘅嘢做緊優惠,你亦可以買定先。

想儲錢?幫幫手做問卷,每份問卷可賺達$1,217,免費加入

21. 避免買嘢減壓

我都明白有時工作壓力大,出去shopping下的而且確係會令人有減壓嘅效果。有d人就會出去飲下嘢或者賭下錢去減壓。但從儲錢/儲蓄角度嚟睇,呢類減壓方式應可免則免。做下運動、係屋企聽下歌、瞓下覺、打下機其實都係好好嘅減壓方法。你一年避免2次洗錢減壓的話,你起碼每年慳一千幾百。我認為靠洗錢減壓唔係長遠策略。

 22. 定期檢查傢俱電器

自己定時定候保養下d電器會令電器壽命長一d。得閒簡單咁掃塵、check check 後面d電線都已經令電器耐用d,尤其係需要散熱嘅電器例如雪櫃、暖爐,灰塵如果聚積係散熱位好易令呢類電器過熱而壞。

23. 取消所有付費會籍

你有冇每個月或者每年俾緊錢做任何會員?例如健身會籍?如果你唔係成日用到呢d會籍服務,我建議你取消咗佢,你日後真係要再用時先再買臨時會籍都未遲。我有個朋友一次過買咗7年健身會籍,一次過買7年一定有discount,但個朋友話去做gym唔超過20次。

24. 二手嘢一定差?

除非係貼身衣物或者要食落肚,如果唔係嘅話,我覺得買二手嘢係冇問題,二手電話、二手飯檯、二手相機、二手bb車現時都好普遍。好多時都係d人要換款、屋企冇位、唔再適用等等嘅原因而放賣,唔一定係產品本身有問題。

想儲錢?幫幫手做問卷,每份問卷可賺達$1,217,免費加入

25. 保持衛生

好簡單。冇病就唔使睇醫生,每次睇醫生都要成$200蚊。

26. 刪除網頁儲存嘅信用卡號碼。

刪除信用卡號碼唔單止係保安方便有保障,而且等你冇咁易上網買嘢。網上購物而家好方便,按兩下就搞掂,但太方便會令你更容易買嘢,所以刪咗d信用卡號碼都係避免你洗錢嘅好方法。

27. 假期後先買嘢

聖誕節、復活節假期期間買嘢一定貴。想買今年聖誕節裝飾最好就係上年聖誕後買,今年想買燈籠就最好係上年中秋節後。一般假期後2-3日鋪頭都會減價速銷。

想儲錢?幫幫手做問卷,每份問卷可賺達$1,217,免費加入

28. 自家品牌

你去開超市可能會見過自家牌子,例如佳之選、超值牌、首選牌、特惠牌、御品皇。呢d牌子一般都會比其他牌子平d,但質量唔一定差。平嘅原因可能因為係冇埋廣告,或者唔使上架費。

29. 人壽保險

人壽保險係有佢嘅作用,但都要量力而為。我有個親戚搵$15000個月,但供保險就每個月供$3000,但個個月都話唔夠錢洗。記住,人壽保險唔係投資,千萬唔好將個保額當作回報。每個月供唔掂千其唔好勉強,或者改下份保單供少d。

30. 避免去大型商場

「無事出街小破財」我諗你一定聽過。除非你真係有嘢要買,唔係嘅話,覺得悶悶地都盡量避免去大型商場行街,減少誘惑,就算唔買嘢,坐低飲杯咖啡都係錢。

31. 黃金10秒

無論上網買嘢,定係出街買嘢,你準備俾錢前停一停10秒,再問問自己係咪真係有需要要買。呢10秒好關鍵咁決定你要唔要破財。

32. 租出你嘅空間

如果你間唔中有間房空出嚟,例如屋企人出外一、兩個星期,其實你可以考慮將間房出租幾日,而家上網搵租客好方便,好多旅客會上Airbnb.com搵短期住宿,一個星期多1-2千蚊洗都幾唔錯。當然你要自己了解相關法律責任,同埋要你自己睇下方唔方便。

想儲錢?幫幫手做問卷,每份問卷可賺達$1,217,免費加入

33. 唔買報紙、雜誌

網上都有得睇新聞,咁點解要每日用幾蚊買份報紙睇?如果你有訂閱報紙雜誌,你今日就好取消訂閱。

34. 帶飯返工

出街食個普通茶餐廳都要$30-$40,如果你夜晚有煮開飯,你煮多少少留翻第二日帶lunch 返工其實都慳唔少錢,如果你有時想約下同事出去食飯增進感情,你都可以一星期帶1-2次飯,每個月都慳$100-$200左右起碼。

35. 住平d

如果係租樓,其實可以考慮一下搵d比較平租嘅地方。平租金嘅地方唔一定差,可能只係樓齡大d,但屋內可能保養得好好。如果一家三口住,你唔一定租3房,租兩房都夠用。如果你一個人住,又唔一定招呼朋友,其實租間劏房都OK。如果個屋苑有泳池會所,租金都會相對貴d,如果你唔係成日用呢類設施,我建議你搵其他屋苑。

36. 屋企附近嘅免費活動

有好多團體都會搞d免費活動咗宣傳。有時派下禮品,有時派下嘢食甚至乎有時會有團體請人食飯、旅行,唔信?區議會同立法會選舉前你留意下d政黨網站你就會信我。或者你可以留意下社區會堂活動,佢地會舉辦好多免費娛樂節目。

37. 幫自己小朋友剪髮

如果你唔係太要求高,只係想個小朋友頭髮唔好太長,清爽就OK嘅話,其實自己絕對搞得掂。我第一次幫個仔剪頭髮時,個頭係剪得差d,但剪多幾次之後掌握到技巧,而家其他人都唔覺我個仔個頭係係屋企剪。我一年幫個仔剪8次左右,我諗我一年慳到幾百蚊。

想儲錢?幫幫手做問卷,每份問卷可賺達$1,217,免費加入

38. 大量購入

如果有某d物品你係要不停要用,你可以買最大包裝、或者一次過買多d(如有折扣)。我外母因為成日都要煮飯,所以佢每次買油、米都係買最大包裝。

39. 唔用嘅服務就唔好再俾錢

查下你最近3個月信用卡月結單同埋銀行戶口月結單,睇下有咩係你定期或間唔中會俾錢,但其實用唔到嘅服務,有就cut咗佢。

40. 電話plan、上網plan

Check下你上一兩個月嘅用量,你用低一個plan夠唔夠用?用低一個plan 可以慳幾十蚊。如果你係用手機上網多,屋企個上網plan可以cut咗佢。

41. 善用公司福利

你得閒可以睇下你公司個福利表,你可能會發現有d服務其實唔使用自己錢,或者買嘢有折扣。我以前做過一家公司包括視力保健福利,咁我就再問係咪只要有度數嘅眼鏡都包括係福利範圍入面,公司確定係,咁我之後就用公司福利配咗副有度數嘅Ray Ban。

 42. 約會朋友時,提議較經濟活動

決定去澳門玩一日,定係去沙灘玩一日可能係取決於有冇人提議。如果你係第一個人做提議,你個提議好大可能就係最後決定。一大班朋友出嚟玩其實去邊都可以好開心好難忘,咁點解要揀個貴嘅活動呢?

想儲錢?幫幫手做問卷,每份問卷可賺達$1,217,免費加入

 43. 不時要求費用豁免

我好討厭無理取鬧,或者因為小事而投訴嘅人,但係你可以簽任何計畫前多口問句「有冇得豁免?」,「可唔可以平d?」好多時都真係會豁免或多d優惠。我上次簽個電話plan就因為多口問句就送我一個月回贈。

44. 用coupon

快餐店、超市都不時都會派coupon,或者報紙印coupon,間都有就留起佢下次用。

45. 減少去旅遊

想出外散心唔一定搭飛機去旅遊,香港其實都有好多景點,或者去下港鐵 沿線每區睇下嘢,一個站附近都可以逛到一日。

你有更多儲錢方法嗎?歡迎交流。

你喜歡這文章嗎?(請評分:5星為最好)

巴利

發佈留言

發佈留言必須填寫的電子郵件地址不會公開。 必填欄位標示為 *