「P牌仔」收電單車禮物 謝安琪撩江𤒹生邱傲然組車隊

謝安琪（Kay）去年情人節獲老公張繼聰送上一部綿羊仔做禮物，之後她決心考電單車牌，去年十二月初成功考獲牌照。前日，Kay獲品牌送贈一部白色電單車，她特意拍片分享收車經過，但她不忘留言暗寸老公，揶揄對方去年借送情人節禮物為由，其實是將綿羊仔送給自己。

Kay寫道︰「有啲人送禮物畀你，份禮物係你用唔着嘅，然後開心嗰個只係佢自己。今次我真係開心喇，因為呢份禮物，係真係為我細心挑選嘅，令我唔再懷疑人生，亦都對身邊嘅人多番一份信任。」MIRROR成員江𤒹生（AK）和邱傲然（Tiger）留言表示自己很快成為電單車友，Kay即tag兩人的經理人黃慧君（花姐），向她申請「特快批文」，認真搞笑。