馮盈盈唔會學江嘉敏賣二手衫　原因係身材？

前港姐馮盈盈為無綫賀年節目《金牛吉祥耀保良》錄影，對於去年工作方面多嘗試，收入亦有進帳，算是豐收年，雖然未想再投資買樓，但就有意買人生第一份保險，她說：「我對呢方面係一無所知，主要原因係人大咗要錫多啲屋企人，如果我工作上有咩意外，家人都要有保障。（屋企人都冇保險？）佢哋有買，只係冇幫我買啫。」

談到昔日好姊妹江嘉敏於網上賣贈品及二手物品作慈善用途，但卻未有詳細解釋惹來批評，盈盈也有撐對方：「佢個Idea唔錯，環保之餘仲做慈善，將收益捐畀有需要嘅人，相信只係溝通上有啲誤會，佢出發點係好，亦啟發到我善用多餘嘅資源，例如平時人哋送畀我嘅零食，會帶返公司同大家分享。（賣二手衫？）又冇，因為我着加細碼，相信冇乜人着到。」

而翟威廉對於開設在廣東道的酒舖，早前因接近佐敦疫區影響生意，他坦言整體生意跌2、3成，零街客，幸好有熟客及批發客支撐，問到可有向業主要求減租？他說：「唔需要，同業主係好朋友，佢亦係股東，都話即使冇錢唔畀租都冇所謂，但作為租戶會盡力交租，一齊渡過難關。」