苟芸慧畢業興奮拋廚師帽　老公繼續潛水冇影

前華姐冠軍苟芸慧與老公陸漢洋早前傳出婚變，有指苟芸慧已搬離愛巢，就連佢上月生日，陸漢洋都一直無影。而近年醉心鑽研甜品並報讀法國烹飪文憑課程嘅佢，近日終於正式畢業，佢喺社交網上載畢業禮片段，見佢手持獎狀及證書，頸上又戴上金牌，之後更與台上一眾同學齊齊拋下廚師帽，又與導師集郵合照，並做出派心心動作，表現得相當興奮。不過，席間依然唔見陸漢洋蹤影，亦未見有人向苟芸慧獻花，似乎繼續「潛水」。