陸漢洋買限量古董車　全世界現存30部

藝人苟芸慧男友兼賽車手陸漢洋為香港古董車雲南行記者會擔任主禮嘉賓，他自言對雲南有份情意結，因為早在十年前已有捐錢到希望工程在雲南建校，更得知其中一名小朋友今年已讀大學，大感安慰。他又指對古董車亦甚感興趣：「我好鍾意古董車，每架車背後有自己故事，值得深思歷史、文化同技術轉變。（你自己有冇古董車？）我啱啱買咗一架，部車係80年代尾出產，我細細個已經好想擁有，但當年冇經濟能力。呢部車全世界出得100部，但現存又可以郁得嘅只有30部，我喺英國睇咗個真身，執靚之後就會運嚟香港，但未知幾時，我都好心急。（買嚟做結婚嘅花車？）唔係。（咁婚期幾時？）到時話你知。」