陶大宇爆紅 被改名做「倒轉地球」 「來吧 倒轉地球 全部摯友密謀 送走擔憂 要抖抖 信開心會長壽」聽到呢幾句歌詞,你會諗起邊個先,唔只係你,連網上搜尋器都變咗係「陶大宇」三個字,呢日網上爆紅嘅 #陶大宇 出現喺TVB電視城,重遊舊地,講番當年拍劇趣事,大宇哥仲撞到開梗工嘅好友鄭子誠。 喺疫情下,一首歌、一隻舞令大家重現歡顏,大宇哥笑住話「佢哋開心係預期,我攪到咁樣喎。」佢仲話而家出街,市民唔係叫佢做「陶大宇」,係叫佢做「倒轉地球」。人氣升,自然令大宇哥吸金能力增強,至於網友覺得佢應該獲得「我最喜愛男歌手」,大宇哥就笑住話「唔好當真,但假嘅嘢聽到都咁開心,幾好呀。」 同主播 #王鎮泉 傾得開心,大宇哥仲傳授「舞」功,又拆解佢嘅獨門舞技,又講吓嚟緊會唔會再同舊拍檔喺幕前合作。 #來吧倒轉地球 #水撥舞 #陶大宇