陳詩欣挑戰極限　谷出三吋「事業線」

新人陳詩欣（Eunice）日前以Deep V透視長裙出席《新城勁爆頒獎禮》，勇奪「新城勁爆新登場女歌手銀獎」的她出席慶功宴時，谷出三吋「事業線」的她被讚「禾稈冚珍珠」，怕醜的Eunice坦言是終極性感：「已經係極限。（驚唔驚走光？）冇，因為做足安全措施、打晒底、黐晒膠紙。」Eunice解釋是尊重場合才性感示人，她說：「公司話我平時出席活動太求其，想頒獎禮隆重啲，話晒第一次攞獎。」並否認行性感路線：「得一次㗎咋，平時都會密密實實。」Eunice自爆其性感打扮嚇得父母目瞪口呆，她說：「頭先阿爸阿媽見到我個反應係O嘴，其實都有同公司講父母睇到一定會鬧我，好彩最後冇鬧，只係驚訝表情。」