陳詩欣憶述求婚經過勁感動 甜絲絲盛讚：有齊RUNDOWN全日點安排
撰文：洪曉璇
出版：更新：
陳詩欣宣布與拍拖三年、從事文化創意產業的圈外男友陳爾正（Joshua）結婚。（IG：@eunicechanszeyan）
《三日兩夜》主持，有「一件頭女神」之稱的陳詩欣，7月13日宣布婚訊，與拍拖三年、從事文化創意產業的圈外男友陳爾正（Joshua）結婚。Eunice接受《香港01》訪問時難掩幸福笑聲，分享求婚當日情況。
陳詩欣男友陳爾正Joshua，不時於IG放閃。（IG：@jc_zing）
Eunice指求婚當日是長篇故事，甜絲絲盛讚男友早有準備：「佢有齊RUNDOWN全日點安排，好順利、簡單而低調咁完成。當日朝早佢帶我去超市買日用品，返到屋企就見到有一隊攝製隊，當下我已經諗係咪求婚，但又無喎淨係拍一啲情侶間片段互問問題，我就諗應該唔係啦，可能係拍拖三年做個紀錄。到夜晚食飯時就真係啦，去咗一個廚師屋企食飯時求婚，因為我以前講過千其唔好喺太多人公眾場合做呢件事會好尷尬，佢都真係記得做到。」
陳詩欣對男友陳爾正（Joshua）緊記求婚承諾相當感動。（IG：@eunicechanszeyan）
女仔最重視承諾，男友Joshua緊記她的要求未有舖張，亦信守當日「食蛋」諾言，令Eunice感動落淚：「最感動係雞蛋求婚呢件事，好耐之前討論過呢個話題，因為佢真係好討厭食雞蛋，佢話有日我娶你求婚時一定會食雞蛋，其實我都無記喺心上。點知當日求婚後佢問我覺唔覺餐飯有咩特別，我先意識到係喎全部有蛋，然後眼淚就不停流落嚟啦。」
點擊睇陳詩欣婚照及更多靚相：
+85