昔日東方陳詩欣婚前派對 姊妹團鬥長腿！
無綫小花陳詩欣今年7月宣布與圈外男友陳爾正（Joshua）拉埋天窗，並將於本月底舉行婚禮，雖然忙於籌備婚事，但一班好姊妹包括余香凝、鍾晴、蔡嘉欣、陳約臨、方詩揚及鄧穎堯，為她舉行婚前派對，狂歡一番，以紓緩緊張的心情。昨日陳詩欣和余香凝網晒派對照，見姊妹們以絲質睡衣上陣，勁晒七雙白滑美腿，盡顯架勢，論長腿之最，當然是待嫁新娘陳詩欣，她出蠱惑將衫拉高，眾人更向她送上香吻。
余香凝留言：「知道你最近為了籌備婚禮，特別精神緊張，希望這個婚前派對，可以令你輕輕鬆鬆地開心一天。婚禮當天一切都會順順利利，你將會是最美的新娘子，我們都將會是最美的姊妹團。」陳詩欣亦留言：「謝謝我的索爆姊妹團，知道大家工作都好忙，做媽媽的就更加忙，謝謝你們陪伴我度過一個開心的晚上，迎接人生另一個階段。」
伴郎伴娘都姓鍾
準新娘昨日接受本報訪問，透露伴郎是鍾培生，鍾晴就做伴娘：「今次個party勁開心，玩咗好多遊戲，同埋要傾吓結婚當日點樣去玩新郎，又傾吓當日嘅流程。因為佢哋知道我臨結婚前好緊張，所以搞呢個party令我放鬆啲，最大功勞係余香凝，佢除咗忙工作仲要照顧囡囡，但佢為呢個派對準備得非常好，例如攝影師、花、氣球、蛋糕等，布置晒成個地方，佢又買埋睡袍，全部佢一個負責晒，真係好犀利！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
