【獨家】同王浩信車廂激咀忍唔住笑 張振朗唔想再拍裸跑戲 | 星島日報
星島日報

【獨家】同王浩信車廂激咀忍唔住笑 張振朗唔想再拍裸跑戲

2020-08-20 19:47
張振朗唔想再拍祼跑戲,因為真係好尷尬,好冇安全感。
張振朗唔想再拍祼跑戲,因為真係好尷尬,好冇安全感。

去年奪得「飛躍進步男藝員」嘅張振朗(Owen)受TVB力捧,告別「地獄黑仔王」之名。主演嘅新劇《反黑路人甲》仲有好大發揮,除咗有唔少打鬥場面外,仲要犧牲色相裸跑兼要同王浩信有激咀戲。問到跟王浩信Kiss有咩感覺?最近同女友楊偲泳好Sweet嘅張振朗語帶雙關:「我好『正直』㗎。」採訪:方騫平 鞋履:HOAX

張振朗唔想再拍祼跑戲,因為真係好尷尬,好冇安全感。
張振朗唔想再拍祼跑戲,因為真係好尷尬,好冇安全感。
張振朗連影相擺甫士都要化身鐵騎士,可見對電單車著迷程度。
張振朗連影相擺甫士都要化身鐵騎士,可見對電單車著迷程度。

在《反黑路人甲》飾演卧底嘅張振朗因為同王浩信第二次合作所以好有默契,「我哋同一個channel,都係『無聊』底,所以戲外經常會傾偈度啲新嘢出嚟。」Owen表示今次同王浩信hehe昇華咗,拍親熱戲拍到忍唔住大笑。「我哋喺車廂入面有場狂風掃落葉式嘅咀對咀戲,我哋做咗好多唔同肢體動作,拍嗰陣我係完全忍唔到笑,因為當時我連佢呼吸同心跳聲都聽到,一聽到就覺得好想笑。」

新劇中他同王浩信嘅hehe情昇華咗,仲會喺車廂有親咀戲。
新劇他同王浩信嘅hehe昇華咗,仲會喺車廂有親咀戲。
跟「人妻」賴慰玲有牀戲,他指對方好專業,大家互相信任。
跟「人妻」賴慰玲有牀戲,他指對方好專業,大家互相信任。

做乜女友都咁支持
在劇,張振朗要拍一場裸跑戲,當事人強調好難忘,仲唔希望拍第二次。而對於跟同性拍咀戲,他坦言較跟異性容易Handle啲,尤其同相熟演員拍攝,話嚟就嚟先冇咁尷尬。「連女友都好奇追問『場戲好唔好睇?』,套劇宗旨想觀眾睇得開心,喺疫情下笑返一晚經已好滿足,而我嘅演技,當然有進步空間啦!」張振朗最近迷上玩電單車,更花10幾萬添置咗部懷舊電單車享受男人的浪漫!他說:「揸住電單車去山旮旯地方周圍探索,係enjoy時刻,不過,喺好安全情況下,我先會載埋女友出發,始終電單車比較唔安全,但佢好鍾意我揸電單車,因為覺得好型。」

張振朗騎住10幾萬嘅Harley-Davidson,享受男人的浪漫。
張振朗騎住10幾萬嘅Harley-Davidson,享受男人的浪漫。
張振朗會問朋友借部綿羊仔,喺安全情況下載住女友楊偲泳去兜風。
張振朗會問朋友借部綿羊仔,喺安全情況下載住女友楊偲泳去兜風。
張振朗仲會扮純情學生妹,連佢都話造型惡頂,怕觀眾會打爆電視機。
張振朗仲會扮純學生妹,連佢都話造型惡頂,怕觀眾會打爆電視機。
劇中會同王浩信上演一幕搞笑版《天若有情》。
會同王浩信上演一幕搞笑版《天若有情》。

最新回應

關鍵字

相關新聞

熱門文章