資深電視人 #楊紹鴻 多年來見證唔少藝人經歷高低起跌,最後踏上璀璨星途。逢星期六晚10:20pm,佢會夥拍電視藝員出身嘅好友 #寶珮如,喺 #港台第一台 主持第二輯《一起走過》,每星期請嚟演藝好友,分享佢哋喺娛樂圈嘅奮鬥故事,細訴流金歲月。 今晚(12月11日)嘅節目嘉賓就有久未露面嘅 #陳秀珠 同大家分享昔日喺電視圈嘅精彩回憶。曾經飾演奸妃夏迎春奸到入型入格嘅佢,係參考邊位殿堂級奸妃嘅精湛演技同神髓嘅呢?陳秀珠又話自己以前從影經驗不足,多數會請教前輩如蝦叔、King SIr、司棋姐同Gigi姐佢哋,學習佢哋演戲時講嘢嘅節奏。 今晚10:20pm,楊紹鴻、寶珮如、陳秀珠同各位電視迷回味一起走過嘅日子~ ==================== 全新一輯《#一起走過》,由楊紹鴻、寶珮如主持,逢星期六 10:20pm – 12am,香港電台第一台 RTHK Radio 1播出。 rthk.hk/radio/radio1/programme/walk_along2021