廖啟智病逝重播《律政強人》 陳敏兒今外出否認辦理後事 #廖啟智 28號喺家人陪伴下離世,終年67歲。佢嘅太太 #陳敏兒 星期一中午駕車外出,仲同一位女性一齊去到西貢一間會所,據資料指出,智叔2002年曾喺呢個會所受浸信奉基督教,其後傳媒亦向陳敏兒提問,不過佢就否認係到場安排後事。 智叔早喺1979年就加入無綫藝員訓練班,之後為TVB拍攝多部經典劇集,演出無數令人回味嘅角色,而TVB亦宣佈31號深夜起,將會重播智叔告別作《律政強人》,大家可以再一次重溫智叔深邃嘅演技。 智叔40多年嚟縱橫電視同電影圈,因為佢謙厚嘅性格令佢好友無數,而 #鮑起靜 #羅敏莊 #劉丹 #白彪 #滕麗名 #單立文 #羅樂林 都回憶往日同智叔共事嘅點滴, #米雪 亦接受我哋電話訪問,重溫同智叔嘅往日歡笑 。 #廖啟智 #陳敏兒 #胃癌 #律政強人