係好耐好耐之前, “神”創造左世界. 佢做左個世界, 咁當然有起自己屋企啦, 而佢屋企咪就係“西方極樂”嘞. “西方極樂”係邊度就冇人知, 不過經過筆者既調查之後, 幾乎可以肯定“西方極樂”就係而家既美國. 首先, 美國係西方. 而且之前有大把地冇人住, 咁樣“神”就唔會俾人見到. 再講, 拉斯維加斯, 迪士尼樂園, 就算係“開心樂園餐”, 都係黎自美國既, 而因為咁多開心既野係果度, 所以我地可以推斷, “美國”就係“西方極樂”嘞.
跟住之後發生左好多野, 有“摩西”, “大洪水”, “釋迦牟尼“(註釋一), “穆罕默德”(註釋二), “耶穌”果D啦……
神同人既呢個生存方式一路都冇乜衝突, 直到後黎再過左好耐既一日……
“神”係屋企訓緊覺既時候, 突然佢部新出既Nokia 7700響喎…
神: 喂~ 邊個呀? 我訓緊覺呀!
阿拉: 喂~ 我呀~ 阿拉呀… 好撚大鑊呀, 今次我地仆硬街喇~!
神: 咩事大鑊得過郁住我訓覺呀?
阿拉: 你仲未知呀?! 好撚大鑊呀! 有條叫做“哥倫布”既友仔走黎橫渡大西洋呀! 就殺到黎啦! 如果佢黎到見到我地咁點算呀?! 好撚大鑊架喎!
神: 唔係下話?! 咁大件事?! 咁喇~ 你即刻call埋阿“如來”同“魔鬼”, 一個鐘之後上我office開會啦~
阿拉: ok~! 喂~ 緊要野黎架, 你唔好好似上幾次咁遲成幾粒鐘呀~ 一陣見啦!
一個鐘之後……
神: 各位~ 相信大家都知道發生左咩事啦, 我地今日開會就係要諗下點解決呢個哥倫布既問題……
魔鬼: 喂~ 大佬~ 有咩問題先?! 佢要黎咪俾佢黎囉~ 完全唔撚煩架喎!
阿拉: 你鋪話發丫, 你睇下我地呢度~ 幾多野玩, 賭場, 遊樂場, 高級餐廳, 快餐店, 乜野都有… 你話如果俾D人黎到見到, 咁我地咁多年黎辛苦建立既型像咪即刻破壞晒?! 咁仲邊有人黎信我地呀?!
魔鬼: 係喎~ 咁真係好撚大鑊喎… 拿~ 咁唔好撚諗咁撚多嘞, 一於呢, 就等我一個浪“車”埋去, 一次過殺撚晒D仆街! 咁咪一了百了囉~! 哈哈哈!!!
如來: 善,善,眾生皆有自性,眾生皆能成佛.
阿拉: 你仲好意思講喎… 你知唔知自從你黎左之後, 你放左幾多人入黎呀?! 只係計果D咩咩羅漢都有成千幾二千人… 呢度已經開始唔夠地方住架啦, 仲要再放人入黎呀?! 唔好啦掛?! 再講, 呢D人未得道架, 萬一佢走番去叫多D人黎, 我地咪仆街?!
神: 咁點呀? 佢地就殺到黎喇, 點算好呀?
耶穌: 咁啦~ 我地搬啦!
神: 搬?! 阿仔呀~ 我地可以搬去邊呀?
耶穌: 我諗過架喇, 南極啦, 果度冇人架, 仲唔洗買雪櫃同泠氣, 慳番唔少架.
阿拉: 你傻撚左呀, 咁撚凍! 點住呀?! 你玩野呀?!
魔鬼: 我唔去架, 咁撚凍! 唔好撚攪我!
神: 咁點呀? 佢地就殺到黎喇, 點算好呀? 就到架喇, 點~呀~???
耶穌: 咁… 咁月球啦~ 我地搬去月球住啦, 果度冇人冇物, 仲要冇人去到, 實唔洗驚俾人發現我地啦!
如來: 善~
阿拉: 好喎~ 果度地方大D, 仲可以起多D野玩喎~
魔鬼: 屌~ 正喎~!
神: 咁一於係咁決定啦, 我地搬啦~!
就係咁, 佢地就搬左去月球嘞~
不過… 過左五百年之後……
阿拉: 喂~ 我呀~ 阿拉呀… 好撚大鑊呀, 今次我地仆硬街喇~!
神: 咩事大鑊得過郁住我訓覺呀?
阿拉: 你仲未知呀?! 好撚大鑊呀! 今次有條叫做“岩士唐”既友仔走登陸月球呀! 就殺到黎啦! 如果佢黎到見到我地咁點算呀?! 好撚大鑊架喎!
神: 唔係下話?! 咁大件事?! 咁喇~ 你即刻call埋阿“如來”同“魔鬼”, 一個鐘之後上我office開會啦~
一個鐘之後……
魔鬼: 屌你老板丫, 一次係咁, 兩次係咁, 而家D人真係好撚過份! 唔撚係啦, 今次一於呢, 就等我炸撚左佢地架火箭, 一次過殺撚晒班仆街! 咁咪一了百了囉~!
如來: 善,善,眾生皆有自性,眾生皆能成佛.
阿拉: 嘩~! 你老尾你仲好意思講呀… 你知唔知自從搬左黎左之後, 你話地方大左可以請多十零廿萬果D咩咩羅漢黎呀… 結果而點呀?! 好撚迫人呀, 冇地方啦~
神: 唔好嘈喇, 我地都係再搬啦…
阿拉: 嘩~! 我地仲可以搬去邊呀?! 冇定走架喇喎?!
耶穌: 你睇下果粒紅波波幾靚~
魔鬼: 丫~ 係幾撚閃爍架喎~
耶穌: 拿~ 就咁啦, 我地去火星啦~!
就係咁, 佢地就搬左去火星嘞~
不過… 過左五十年之後……
阿拉: 喂~ 我呀~ 阿拉呀… 好撚大鑊呀, 今次我地仆硬街喇~!
神: 咩事大鑊得過郁住我訓覺呀?
阿拉: 喂~ 阿魔鬼發現左隻野呢, 好撚得意架喎, 有幾個碌, 隻手呢~ 會周圍攪野架喎! 好撚好笑架喎~
神: 咁攪野?! 咩黎架?
阿拉: 唔知呀, 你個仔而家係度研究緊呀~
(遠處)耶穌: 仆街喇~!
阿拉: 喂~ 等陣先…
……
阿拉: 喂~ 仆街喇我地, 果隻野上面有支美國國旗架!
神: 咁點呀~? 乜好奇咩?! …… 下咩話?! 美國佬?! 咁即係話…
阿拉: …係呀… 我地要再搬嘞…
- 完 -
註釋一:
佛祖釋迦牟尼在菩提樹下悟道, 所以升格為“神”, 之後負責管理東亞地域.
註釋二:
穆罕默德受了天使的啟示, 寫成了《可蘭經》, 而“真神阿拉”則負責管理中東地域.
以上純粹為個人無聊創作, 絕無挑戰任何宗教之意.
文章定位: