陳展鵬《唐人街》再押後推出 TVB力谷高海寧變陣播《C9特工》
撰文：鄺鈺瑩
出版：更新：
無綫日前已播出《唐人街》的宣傳片 ，陳展鵬、伍允龍亦有在IG上轉載。(影片截圖)
陳展鵬同陳山聰在《唐人街》開拍前狂操肌。（資料圖片）
原為2019年無綫節目巡禮劇集之一嘅《唐人街》，早於去年5月拍畢，但一直未獲安排播出，令陳展鵬快兩年無劇出街，早前更灰爆在IG呻「懷疑自己嘅能力」。直到兩個月前，無綫終於落實《唐人街》緊接《反黑路人甲》檔期播出，而宣傳片亦已於日前播出，陳展鵬亦在IG發文表示：「好耐冇同大家見面，期待」。
《C9特工》早在2018年８月已完成拍攝。（TVB海報）
惟今日（9/9）有消息指無綫臨時變陣，改播由高海寧、馬國明主演的《C9特工》，對此無綫表示：「係因為想配合全球同步播出。」由於突然變陣，令高海寧連續有四劇出街，加上她進軍內地嘅《三十而已》近日亦已在myTV SUPER上架，可見她獲TVB重視，成為新一代花旦。高Ling接受《香港01》訪問時，表示將會全力配合公司安排去宣傳新劇，並謂：「好感恩今年有好多作品俾觀眾睇到，呢幾年好努力拍劇冇白費到，又幸好全部都係唔同人物性格既角色，係一個好機會等大家睇到我可以詮釋唔同既角色！黎緊日子要再努力啲，因為得返依家拍緊嘅《七公主》一套存貨啦！」
高Ling客串嘅《三十而已》於MyTVsuper上架，她表示希望可以有更多香港觀眾肯定自己的演技，並謂：「咁就再辛苦都值得！」（《三十而已》劇照）
《唐人街》講述四十年代泰國唐人街，一眾當地華人為守護家園團結起來的故事。一眾男藝人在開鏡前狂操肌，而「打女」王君馨及姚子羚則功架十足，而在預告片中，則有劉穎鏇慘被施暴鏡頭。
+11