《城寨英雄》終在新加坡首播 陳展鵬:好劇可以再重溫下|香港01|即時娛樂

《城寨英雄》終在新加坡首播 陳展鵬:好劇可以再重溫下

撰文:
最後更新日期:

自從TVB開設自己家平台Big big channel後,幾乎TVB藝人的一舉一動都係呢度睇到。今日一眾花旦小生就齊集在新加坡市中心,出席「big big channel 強勢登陸新加坡」戶外活動。雖然今日新加坡天氣就麻麻,但一班粉絲都提早到場支持偶像。現場所見,陳展鵬同周柏豪的粉絲嗌得最落力。

展鵬好多Fans。溫菁莉攝

最近瘋狂在穿梭新加坡同馬來西亞出活動的陳展鵬,他笑言每次fans見到他都送一大箱當地最出名嘅魚皮,「因為食得太多其實都好熱氣,所以送俾好多朋友食。」提到《城寨英雄》最近才在新加坡首播,問到會否怕觀眾們已經一早睇完,陳展鵬就話,「相隔差唔多1年先播,咁一定有些少影響。但我覺得唔緊要,好劇可以再重溫下。」

TVB一班花旦小生包括王浩信、馬國明、陳展鵬、唐詩詠及李佳芯等人,晚上在新加坡出席big big channel活動。溫菁莉攝

講到早前有報導指他在大馬舉行的fans meeting要價同韓國天團BIGBANG,甚至歌神張學友演唱會價錢相若,令好多網友都好震驚。陳展鵬就解釋該價錢是顧客購物指定金額,就可以有fans meeting門票,「係一場誤會,可能英文字面上令大家誤解,但唔緊要啦,個陣新年大家開心就可以!」

對於早前有人將fans meeting同張學友演唱會比較,陳展鵬就話係一場誤會。 溫菁莉攝



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。