連詩雅分手數月傳與陳家樂秘密拍拖 舊年拍TVB旅遊節目撻著
撰文：洪曉璇
出版：更新：
連詩雅4月初宣佈，同徐浩於去年底已分手。（IG：@shi_ga）
喺娛樂圈工作日夜癲倒，加上有時要投入感情拍戲，不時傳出藝人同合作伙伴擦出愛火花，最新一對就有陳家樂同連詩雅﹗Shiga四月先自爆，去年底同有米音樂人徐浩分手，點知呢日就傳出佢同陳家樂秘密拍拖。
有報導指陳家樂同連詩雅秘密拍拖。（IG：@shi_ga）
Shiga早前自爆去年底同徐浩分手，有指因為雙方對結婚無共識，唔結就分。剛好情傷期間，重遇去年一齊到韓國拍TVB旅遊節目《12個夏天》嘅拍檔陳家樂。
陳家樂曾公開為連詩雅平反，話對方唔係「港女」無公主病。（資料圖片）
有指雙方非常投契火速撻著，不過二人一向唔將感情事掛口邊，今次就連雙方公司都隱瞞。報導話二人拍拖都好小心，更指有人曾目睹家樂深宵夜訪Shiga香閨。我地就呢件事聯絡過陳家樂，但截稿前暫未回覆。
+14