M Club少女轉眼已6年 陳嘉寶三年抱兩亦有人單身七年|香港01|即時娛樂

M Club少女轉眼已6年 陳嘉寶三年抱兩亦有人單身七年

撰文:鄺鈺瑩
出版:更新:
2014年嘅《女人俱樂部》大受好評,6女亦因而成為好友。(VCG)

陳嘉寶(Anjaylia)早前突然宣布二女Eliana出世,孕肚收得如此密實,加上產後身形零走樣,令唔少網民都十分羨慕。與此同時,亦有網民大嘆當年嘅《女人俱樂部》(M Club):陳嘉寶、賴慰玲、王敏奕、陳瀅、吳嘉熙、糖妹如今已少女不再,更有幾位結婚生埋仔。

30歲嘅陳嘉寶如今已經係兩女之母嘅幸福少奶奶。(IG@anjaylia)

2014年嘅無綫劇《女人俱樂部》(M Club)以韓國電影《陽光姐妹淘》作為靈感,並找到六位新演員來女主角嘅年輕版,拍畢後,感情要好嘅6女不時都會見面,每年亦都有團拜活動。至於感情方面,陳嘉寶絕對係遙遙領先,2017年結婚,2019年誕下一女,日前再宣布二女出世,三年抱兩,老公既係初戀情人,又係長洲億萬闊少黃頌祈。婚後嘅陳嘉寶完全成了幸福少奶。

+12
賴慰玲老公梁子峰係舞台劇演員 ,二人拍拖5年於2017年正式結為夫妻。

同樣係2017年結婚嘅賴慰玲,囝囝於同年底出世。翌年賴慰玲成無綫親生女,所接嘅劇集《棟仁的時光》、《機場特警》全部都高收視之作,而在剛播完嘅《反黑路人甲》飾演大小姐嘅佢,演技獲激讚。

+10

王敏奕去年與拍攝6年嘅曾國祥修成正果,二人於北海道舉行婚禮,M Club成員糖妹、陳瀅亦有出席。婚後,王敏奕拍劇之餘,早前仲加盟星夢娛樂,連歌都唱埋,好忙。

Cheronna同黃奕晨拍拖時經常放閃。(黃奕晨IG圖片)

吳嘉熙(Cheronna)與夏雨兒子黃奕晨(Dixon)拍拖兩年,一直很恩愛,去年宣布分手時,有傳係因為男方有第三者,但二人一致否認。失戀後暴瘦嘅吳嘉熙幸得好姊姊陪伴。

32歲嘅糖妹與何浩文分手後,一直單身至今。(kandybubu@Instagram)

糖妹入行至今唯一嘅男友係「鴨王」何浩文,拍拖兩年有指糖妹不忿被利用而提出分手。糖妹保持單身至今逾7年,感情雖然無著落,但事業更上一層樓,本同家人同住深水埗嘅佢,去年搬進南區的貝沙灣豪宅,同時亦供細佬到外國讀書。

賭王何鴻燊四房兒子何猷亨與陳瀅曾在2015年9月公開戀情,女方更獲四太開綠燈,可惜未夠一年二人便分手。(VCG)

感情生活多姿多彩嘅陳瀅,2015年曾與何猷亨拍拖,一年後分手,大受打擊嘅佢更飛到國外療傷,早前在訪談節目中,陳瀅透露自己上一段感情係「被飛」。同猷亨分手後,陳瀅之後曾與方力申、羅天宇、陳家樂傳出緋聞,直到今年7月在賭王何鴻燊喪禮上,陳瀅一連兩日均有出席,且陪伴在猷亨身邊,令二人複合之說不脛而走。

+7
發表評論...