陳凱琳與細佬屢被質疑非父母親生！童年照+陳媽媽剖白似印度人之謎

陳凱琳與細佬Derek混血外貌屢被指似印度人

陳凱琳細佬Derek早前於父親節分享與爸爸的合照，照片中看到陳爸爸坐於陳凱琳細佬Derek大腿，更含著手指公扮BB，如同交換身份一樣；不過，兩父子的外貌與膚色再次成為網友焦點，紛紛指陳凱琳和細佬Derek完全不似陳爸爸，而平日愛抽水的林作，更以100萬港元向陳凱琳細佬發出挑戰，表示希望陳凱琳細佬Derek可以去驗DNA，證實是父子的話，就會給予對方100萬。林作更再次公開直言：「Derek 的家姐 Joyce 昨晚回覆了，但我係今早得知的。Joyce姐忘記，其實多年前，我為了探究究竟佢地係咪親生而用我自己私人Facebook Add咗佢。佢嘅意思係願意做test，但價格出手太低！明白嘅，始終我用緊自己錢，人地講緊家族顯赫，區區得100，你估我細佬Derek喺嗰個167 Derek咩！」事件鬧大，連鄭嘉穎出席公開活動時也被問及此事，還指林作的目的很清楚，林作得悉後又反擊指：「我咩目的好清楚：驗明正身。

本人並非針對鄭先生或者他太太，也無意要求他們兩位驗。希望兩位心情不要受我影響。毫無惡意，純屬無聊。可能係去年同個Derek玩完後，見到Derek就想抽下。」看來紛爭仍未平息。

陳凱琳曾激罕曬5張得意童年照

陳凱琳自從嫁給鄭嘉穎後就淡出幕前，近年專心相夫教子，但陳凱琳仍不時活躍於社交平台，經常轉換不同形象拍片。陳凱琳就曾在IG一炮過晒5張得意童年照，相中所見小時候的陳凱琳眼仔碌碌，輪廓極深，甚有外國小女孩的味道，更與龍鳳胎弟弟Derek五官撞樣，難怪有網民直言：「兩姐弟細細個真係好似樣」。由於陳凱琳的父母及大家姐Joyce都是華人外表，所以陳凱琳每次分享合照都會引起討論。

陳凱琳媽媽剖白子女被指似印度人之謎

陳凱琳母親劉惠嫺Connie早前接受港台節目《舊日的足跡》訪問，曾罕有開腔為子女的混血外表解畫。陳凱琳媽媽表示陳凱琳與Derek出世時與長女Joyce同樣白淨，不過後來兩姐弟去到14至15歲突然變得眼大臉尖，而細佬Derek更生多了鬚根。陳凱琳媽媽又透露自己母親擁南亞血統：「可能我媽媽係馬來西亞人，擁有亞裔嘅容貌，細佬又喜歡戶外活動，又或者加拿大嘅食物有好多荷爾蒙啦」。所以 陳凱琳和細佬Derek都有著混血的外表。

陳凱琳孖生細佬Derek早前報喜，升呢人夫，陳凱琳升呢姑奶當然開心，同時亦令全家高顏值都齊齊曝光，原來陳凱琳仲有個家姐，不過大家姐同陳凱琳及孖生細佬好唔似樣，細佬樣子更被指似印度人。

陳凱琳細佬Derek踏入人生新一頁，升呢姑奶的陳凱琳同老公鄭嘉穎孖住出席婚禮見證，不過未見一對寶貝囝囝，問到陳凱琳對細佬有何「訓言」？陳凱琳話冇，因為細佬同女友都拍咗拖一段日子，明言唔會催細佬生B，仲叫細佬幫忙湊自己一對囝囝取經驗，升呢姑奶的陳凱琳話送上利是作賀禮﹗

陳凱琳孖生弟弟鬼鬼哋

陳凱琳(Grace)之前於Ig放短片，片中佢同一名眼大大嘅鬍鬚男玩到忘形，對方為佢化妝又不避嫌面貼面，咁親密。原來鬍鬚男係陳凱琳嘅孖生細佬Derek，二人應化妝品牌邀請為新產品拍片示範，不過網友錯重點，話奇怪二人父母係中國人，但陳凱琳同細佬居然好似mix，鬼鬼哋喎⋯⋯

陳凱琳由細到大跟Derek也好好感情，一齊玩、一齊同朋友聚會，而細佬更係佢傾心事的對象。不過，陳凱琳稱細佬不會入行，今次是經驗和回憶，將來他們重溫會好開心。影片出街後，留言讚cute、cool、靚仔、靚女嘅人好多，但都有唔少網友都話奇怪佢哋嘅父母係傳統嘅中國人樣子，但陳凱琳同孖生細佬居然就好似mix，更有網友更指Derek同外國影星Ryan Reynolds似樣。

陳凱琳其實早在當選港姐時已被誤會是混血兒，不過父母都中國人臉孔，曾引起一陣話題。當年陳凱琳曾回應傳媒說： 「我係爸爸媽媽親生，細佬同我一樣，由細到大都鬼鬼哋⋯」

陳凱琳嘅全家福，佢同孖生弟弟係似mix，但家姐(左一)又好中國人樣，難怪大家會誤會嘅⋯