【娛樂台】陳偉琪爆喊道歉戒酒！ by 跑腿一號

跑腿一號 2019-10-29 09:18:07

東方日報 OrientalDaily

https://s.yimg.com/ny/api/res/1.2/cNbeMJ3L91HRhFkdfaF3zg--/YXBwaWQ9aGlnaGxhbmRlcjt3PTY0MDtoPTgwMy41NTU1NTU1NTU1NTU1/https://s.yimg.com/uu/api/res/1.2/7.JHxGhNZBpGncN2DcBszA--~B/aD02Nzg7dz01NDA7c209MTthcHBpZD15dGFjaHlvbg--/https://media.zenfs.com/zh-TW/thesun.hk.com/b73c8946f7d21731a005a0b5cccc0863

陳偉琪涉酒駕後首日復工，受訪期間多次落淚。

「細龍太」陳偉琪上周五涉嫌酒駕被捕，昨日復工拍攝處境劇，受訪時落淚且多番道歉，承諾會深切反省及戒酒，又透露獲高層曾勵珍原諒，逃過被「雪藏」厄運。

無綫處境劇《愛．回家之開心速遞》中飾演「細龍太」的陳偉琪，上周五在跑馬地發生交通意外，座駕與的士相撞，因酒精呼氣測試超標，涉嫌酒後駕駛被捕。她昨日為《愛》劇復工，甫受訪已眼泛淚光，哽咽致歉：「呢兩日喺屋企反省，我做咗個好蠢嘅抉擇，影響公司、家人、同事，令到支持我嘅人失望，但係要特別多謝珍姐（曾勵珍）同監製林建祥畀咗好多鼓勵我。」她指因事件進入司法程序，不便透露案情及賠償問題，並再次道歉說：「以後唔會再犯！」

感激曾勵珍原諒

問到可擔心遭無綫雪藏？她說：「好幸運，頭先同珍姐解釋咗，佢原諒咗我，我會努力做嘢，繼續拍《愛》劇，暫時工作冇影響。」她透露事發後哭了很多次，喊到眼腫。講到涉酒駕可會影響劇集形象，她又哭着說：「好擔心，呢個錯影響咗好多人，我會深切反省。」又指日後飲酒一定不會揸車，而且會戒酒。工作至下午6時許的她，離開時由同劇拍檔滕麗名驅車接載返西貢寓所，見有記者在場，她亦揮手打招呼，但到達屋苑後，因滕麗名的座駕未能直駛入停車場，陳偉琪遂下車快步入內。

呂慧儀未及問候

另外，「細龍生」鄭世豪力撐「太太」說：「佢真係喊咗好多次，好後悔做錯咗，依家所有事回復正常就好，見到佢勇敢面對、誠心悔改，一家人又可以齊齊加油。」而呂慧儀昨日開工時稱未有機會問候陳偉琪，不便回應事件；至於在網上自爆前晚於家中暈倒的她笑說：「幫個仔執玩具執咗成日，又遲咗食飯太肚餓，諗住行去張床度，點知差一步就暈低咗，仲撞親隻手，嚇親個仔，個仔不停用音波功叫醒我。」日前現身屯門豪宅新盤的她又笑說，只是陪媽媽睇樓。