☠️☠️☠️☠️鄧X玲 - 玲姐 ☠️☠️☠️ （佢會標榜自己上過陪月雜誌，請各位媽媽不要上當！！！） 自從生左小朋友後，都覺得作為父母，成為佢地嘅榜樣好重要。所以都諗左好耐出唔出以下嘅post。但想到各位剛生完，同時面對著不同新轉變和壓力的媽媽的福祉，我決定同大家分享我嘅經歷, 唔想再有人受害。 我個陪月員姓鄧, 佢叫我地稱呼佢做玲姐。 在簽約前後，玲姐不斷吹噓自己有幾星級，話自己懂得氣功有助催乳，又會whatsapp佢曾經接受過一本嬰孩雜誌的訪問俾客人。我同老公當初對請陪月完全沒有概念，所以雙方見面後就簽左合約，但最後佢做左約十日，我地就忍無可忍，決定唔用佢，因為佢嘅行為真係好過分。 個人操守： - 由玲姐黎到我家上班的第一天，佢就洗到我家的女僱盡。每日佢要負責煮的餸菜和湯，所有洗洗切切的預備工夫，佢都叫我工人做哂。佢做嘅就只有將所有準備好的材料落鑊煮。我覺得佢有D過份，各人有各人應做的工作，所以我都有時駛走我工人姐姐做其他野。跟住佢煮煮下就會喺廚房走出來俾説話我聽，例如：「唉！好辛苦好熱呀！我要休息番十分鐘先！」唔知以為佢整九大簋，但其實佢每餐只係煮一個餸和一個烚菜。 - 合約上無話包早餐的。但玲姐有日上到來，趁我同老公瞓緊覺，叫我工人姐姐烚兩隻蛋同煲咖啡俾佢做早餐，仲叫工人姐姐烚多兩隻比自己食。咁啱我起身走出房，見佢嘆住冷氣食緊早餐，我真係好惱。之後我問佢有無準備食物俾我做早餐，佢竟然叫我食方包！合約明明寫住佢有責任照顧坐月媽媽一日三餐的飲食，如果我要食白麪包我就唔使用＄24000請佢返黎做25日！ - 其實合約本身無話包佢晚餐的，但玲姐day one一入屋就同我講家住天水圍，返屋企會好晏，途中會餓，仲話：「你唔包我晚餐唔緊要，我最多自己每日帶個公仔麵黎煮啦！亅我當初諗住只要佢湊好我B就咩都無所謂，就照佢嘅要求做。但佢問都唔問就喺我屋企食埋早餐，變本加厲！我真係唔係孤寒一兩隻雞蛋，而係佢職業操守太差了！佢仲做左個壞榜樣俾我工人姐姐！ - 十二朝，我有好多親朋戚友上來探B，食薑飲雞酒。玲姐一日到黑都暱係廚房密密食！連我有個朋友都忍唔住話見佢個口無停過食野！D親戚買左水果上來拜訪，我將水果放入廚房，隔左無耐，我又見到佢喺廚房切左個橙比自己食！最過份嘅係，有位親戚事後告訴我經過廚房時無意發現佢快快手灌了兩三碗原本煲俾我的雞湯落肚，然後又快快手將三碗白開水倒進湯翻煲俾我飲。我請佢黎係想佢照顧我，幫我補身，佢咁做有什麼操守可言？最不解係，佢好直接咁同我講話十二朝理應要封番封利是俾佢，意頭喎！乜人地俾唔俾利是佢都要俾意見嫁咩？ - 十二朝後的一星期，我每日都會食我媽整的薑醋補身。玲姐有一日同我阿媽講：「如果有薑醋多可以俾我試下你D手勢丫？我十二朝個日無試過呀！唔使多嫁，一片薑，一隻蛋和一隻豬腳便ok!亅但其實明明十二朝大家都見到佢食過。事後再細心想，如果佢講到自己咁星級咁多人搵佢做陪月，佢個個月食薑都食到厭啦！ - 有一日玲姐見我工人姐姐食緊一隻大蕉，佢竟然叫我媽如果買開蕉請隻佢食！又有一次見我老公飲緊nespresso咖啡，竟然叫我老公沖多杯俾佢飲，但明明我們已經提供左咖啡粉俾佢！佢揾24000蚊一個月仲包兩餐，有D咩想食點解唔用自己錢買？ - 我媽每日跟住玲姐寫的材料同份量負責買餸，淨係買豬肉都買左$200俾佢煮兩餐同煲湯。但每餐煮出黎嘅肉都少一半！有一次佢蒸雞，我地以為佢只煮左半隻，但佢話嗰度係一隻雞！雞腿又少左一部分，淨番隻雞鎚，佢解釋話佢可能蒸過龍，隻雞縮左水，全枱人聽到O哂咀！其實佢每餐只煮一餸一菜，但每餐都喺廚房煮足兩個幾鐘！而我工人姐姐已經切好洗好，又唔洗佢洗碗，我都唔明佢喺廚房搞咩！ - 玲姐每日下午都叫我訓覺，其實我點訓得著？成日提心吊膽！佢又叫我買勁多藥材和果皮，全部放在廚房和廳，我每日個心都好唔安寧。有幾次我入左房，佢喺梳化上枱起腳瞓晏覺！每到星期日，係佢放假的日子，我更覺得自己活得輕鬆自在。其實請佢返黎都係諗住買個安心，但結果不似預期。 照顧嬰兒： - 有次我叫玲姐幫B掃風，掃掃下佢䀫著左，我嚇到即刻叫醒佢，佢成個彈起！真係得人驚！如果佢瞓著左跌左B落地點算？ - 同B沖涼，佢只用兩張膠椅拍埋盛著沖涼盤！我地覺得太危險，若膠椅動一動就移位！曾建議佢放盤在地下，佢話唔好會傷腰。又建議佢放盤在飯桌上，佢又話太高。 - 有次食晚飯，B因濕片在哭，我和工人姐姐都在安撫B。佢仲施施然坐在飯桌前不斷說：「食飯先食飯先，由佢喊，我趕住收工呀！」我呆了。 其實仲有不同事例，不方便在此盡錄。坐月其間，玲姐每日黎到上班，我就提心吊膽，睡不安吃不下。加上我們對佢有不滿意的地方，又唔想太直接，始終B在她手上，反而到左星期日佢放假我仲開心自在。其實請佢返黎都係諗住買個安心，但結果不似預期。最後做到第十日，我send 短訊通知跟她解約。佢無追問原因之餘，仲叫我地立即繳付餘下工作天的人工俾佢！豈有此理？ 經驗分享： 1. 在簽約前看清楚每一個條款。事後諗番，其實玲姐份合約有很多不合理、不公平條款，例如簽約後上班前要繳付10000元給她作訂金、若僱主解約也要支付餘下工作天的尾數，又在合約列明要俾開工利是和收工利是，仲寫到明話封收工利是最少要比$1000！乜利是都要限住人比幾多錢嫁咩？我地就係太蠢，喺情急怕無人在我坐月其間幫手的情況下，簽了這份不公平的合約。 2. 要求試用期。即使聘請陪月只有一個月，都要要求試用期。試用期長短不是問題，但在這期間你大概會知她是否合適。好似我個case, 無試用期，佢唔合適你留住佢只會令自己激心，你炒佢佢又會問你出哂所有糧然後唔使番工，你仲嘔血！ 3. 選擇年紀較輕的陪月。後生一點的陪月有魄力。常常聽見玲姐話好累好辛苦要休息的聲氣，我反而要擔心同照顧番佢！ 4. 別選住得跟自己太遠的陪月。每天來回從來回上水三四個鐘車程，工作朝十晚六，她到你家工作的狀態大家可想而知吧！諗番起玲姐抱住B掃風時䀫眼瞓我都怕怕！ 希望以上資訊幫到大家！坐月對女人來說是一個很重要的階段，真係唔想有更多媽媽受害。