環境5分: 樓上西餐廳格局,一邊梳化非常舒服,牆上面有好多八九十年代巨星poster,大部份都識,有個電視機播出金曲MTV好懷舊,環境可以畀滿分。 衛生5分: 地方乾淨企理,通爽又夠光,非常衛生,一樣畀滿分。 服務5分: 服務員快手快腳唔囉嗦,加水快,態度好,滿分。 味道5分: 1) 跟餐凱撒沙律又爽又脆又夠醬。 2) 周...打蜆餐湯好濃,有塊熱芝士法包跟埋,好脆。 3) 草飼澳洲肉眼牛扒配烤薯雙蛋個牛扒大大塊,有兩隻掌心咁大,配上兩隻完美太陽蛋,再加D沙律伴碟,牛扒5成熟,裡面真係有少少紅,煮得非常好,有牛味,好食。 4) 68℃慢煮黃油雞一份有半隻,真係有齊雞肶同雞翼,份量好足,雞皮好軟滑,雞肉好juicy,跟埋果D蘑菇粒好軟甜,粟米一條開左三,一樣好足料。 5) 甜品法式焦糖燉蛋上脆下軟,唔會太甜剛剛好,配埋雜果好light。 抵食5分: 兩百幾蚊有5個course,非常抵食,又可以加錢轉野飲,滿分。更多