（香港文匯網記者 梁靜儀）陳豪、宣萱、滕麗名、陳庭欣、羅子溢及鄧佩儀等今日出席《陀槍師姐 2021》 「終極對戰」活動，劇中宣萱的愛貓「湯圓」亦有現身，現場眾人又分組玩遊戲宣萱跟劇中「情敵」陳庭欣拗手瓜，最終宣萱拗贏。

滕麗名與陳豪一起接受訪問，對於劇集快將播映大結局，拍了五輯《陀槍師姐》的滕麗名帶點不捨說：「唔知幾時再拍，(想拍第六輯？)要轉一轉色，到時應該退休，(拍咗五輯有何得着？)帶畀我陳三元呢個角色，角色性格本來同我本身唔似，但慢慢就變咗係，影響都幾大，依家有啲人仲叫我「三蚊雞(同啲拍檔有冇聯絡？)同關詠荷少啲聯絡，可能佢工作緊，佢好cool，我同Bobby就多啲聯絡。」

陳豪明日便出發前往深圳拍攝新劇《白色強人II》外景，不過出席宣傳活動後仍要拍通宵趕戲，連執行李都沒時間，要太太陳茵媺代勞。他表示此行拍攝連同隔離差不多要兩個月，而仔女知道他要離家工作後就經常問：「係咪明日走？」他話幸好早已同仔女「心理輔導」，講明爸爸將要離家一段時間。問到會唔會擔心離家時出現哭鬧場面？他笑說：「好彩佢哋返曬學。（嗰21日隔離點樣打發時間？）自己都好忙，好多嘢要處理，例如生意方面，又要健身，可以畀我放鬆下。」他謂希望能趕及四月廿七日細女生日前回港， 加上他與太太都是四生日， 如果不能趕及返港唯有之後補祝。

說到他的咖啡店位處近日確診新冠肺炎商場，陳豪指咖啡店目前已停業，整個商場都要消毒，他認為確保安全亦屬應該。

陳庭欣（Toby）穿上貼身迷你裙現身，影相及玩遊戲時經常鬱動，險些走光。問到Toby為何穿得如此性感？她笑說：「可能我最近高咗，加上條裙縮水，所以有咁嘅效果，條裙好耐之前都着過，依家着得返都好開心。」

提到她在劇中的角色相當乞人憎，經常設法拆散前夫陳豪和宣萱這一對，問到她在街上可有被市民鬧爆？她笑言：「我好變態，好想出街畀人鬧「賤格」，其實有啲觀眾已經睇咗網上版，都覺得個角色好乞人憎，依家出街如果有人鬧我會好開心。」問到她現實中可有試過被男友的前度騷擾？ Toby慶幸沒有遇過這情況：「每一段感情分手都會諗得好清楚，我同啲前度暫時分手之後都唔會再聯絡，(唔會食回頭草？)唔會，（會唔會介意男友同前度約會嗎？）如果聯絡就冇所謂，單獨食飯就始終唔係咁好囉，個心都會唔舒服。」