稻香超級漁港 (已結業)

今日新正頭飲茶，入去前櫃臺講明15:45截單。想臨尾拎張點心紙叫多個點心同甜品食，當時15:40，已經有一個女侍應大聲夾惡回應我地“無㗎喇！唔入單㗎喇！”我地隨即向佢表示入座時已講明到45分才截單，無理由依家就話無得落，她才把落單紙給我們，但隨即又用啲好差嘅語氣話“你地落啦！不過唔知出面(櫃台)肯唔肯落㗎！” “你地要食就早啲落吖嘛！”到我地落單後，事情嘅發展當然就係入唔到啦，跟住有個男侍應就過嚟禮貌咁講返“廚房已經唔做喇！所以呢兩樣想點嘅都無喇！”新正頭嚟飲茶，無諗過已受氣囉，仲要係咁唔合理。其實如果你好禮貌講聲唔好意思，廚收咗爐之類嘅，雖然我都覺得無奈，但起碼唔係咁受氣囉

細細個成日都黎 又唔算貴 又近 又幾好食咁但近排再黎就覺得差左服務就一般 叫極都無咩人理酒樓係咁啦不過點心唔係好熱如果煎炸野比較多油蒸野就感覺唔係幾新鮮同味道偏鹹咁 幾失望

因為1月份家人慶祝生日及順便做節就選擇了中餐！因為之前已經有興趣半圍餐什麼都包了，比較化算又已安排餸菜就這個半圍餐啦！我們真的嘩一聲！每個餸菜份量十足，我們也自己帶了飯盒自己外帶夠食多餐！父母們開心就好！食物水準就不算是非常驚喜但可以接受啦！最重要是負責我們枱的服務員服務真的很好令到我們很舒服及開心😃

尋晚去市中心跟家人做冬，老爸為咗方便我和阿女可以快D返屋企，所以唔在娘家果邊食~~~由於我收工慢慢搭輕鐵過去，我去到果陣佢地已經點曬食物>.<一開始就上紅炆茄子斑腩煲，唔太喜歡食茄子的我得個望字= ="金瑤扒豆苗，開心係可以連續兩晚食我喜歡的豆苗但不幸係見到兩、三粒發泡膠，服務員阿姐話可以換，但我地又唔想浪費食物，所以我地照食~~~咕嚕肉不錯，阿女都鍾意食~~~魚香茄子花膠煲，見到有花膠的我食咗件花膠就覺得辣而冇再食，而感覺有點灰的是一晚出現兩個茄子煲，一下子感到有點灰~~~好在最後有彩蛋，呢個竹笙雞煲翅（4位用）挽回不少分數，大大煲可以分到我們六大一小每人一碗，阿女仲有份添飲=]個煲分晒六、碗湯就見到一堆雞腳，我們食到D料算幾足，雖然個翅真係好幼好普通，但始終價錢與質素成正比，所以不要抱太大期望~~~

今晚同外父外母一家食飯，諗唔到食乜好。經過見到稻香(星期五晚)唔使排隊，可能時間仲早。 天氣涼涼地，即刻走入去，打返個邊爐先。不過就無得食火鍋放題。唯有逐碟叫啦。啲食物黎啦，所有嘢食都好新鮮，不過啲響鈴就比較以前小。原來叫咗碟豬皮(外父最鍾意食)，不過黎到之後發現勁多毛，無奈之下，都要取消。 至於自助吧，啲飲品多咗選擇……。糖水方面，仍然得紅豆沙、芝麻糊、杏仁茶。我好喜歡飲杏仁茶 ，不過有點失望，因為個杏仁荼，同我之前飲嘅好唔同，今次清淡咗好多。總體嚟講，都可以接受。

飲茶有分早茶，午市同下午茶，早茶一向與我無緣點會咁早起身（哈），下午茶又要多人等，所以我揀午市市段午市同下午茶價錢大概係相差$5左右一個點心今次午市，等位時間不足5分鐘。職員帶位入坐，茶水好快送到，但我地要同其他人拼台以我所知，稻香的點心好似不是即點即做（蒸）但上菜時間都幾耐第一樣來到的是腸粉，我諗係落單後等左5分鐘左右但碟腸粉係完全不熱，只是微溫腸粉後、下次再黎的蒸點，我地等左大概10-15分鐘呢個速度我覺得算慢

今晚到稻香食圍餐,我地一行九人叫左二千幾蚊圍菜再加餸,但簡直背脊骨落😤😤,無論侍應也好,特別係樓面傳菜個位四眼阿姐,服務態度超級差....已經比左個位佢上菜,每次上都唔同位,咁請問想我點,仲有將重要既事講三次"你比左位我上菜"(態度超無禮),令到我要企起身讓個位比佢(竟然要個客讓比佢,要比個叻佢)...再黎,我只係好心自己裝湯,遇到佢又上菜,佢用鬧人既語氣話,"我而家要上菜"真心講,貼錢買難受,打死唔會再黎,亦請集團好好教育下班傳菜姐姐

訂位食父親節飯，但揀了父親節後一日，接線的職員態度幾好，成功訂了枱，這天沒有父親節餐，改為吃信用卡優惠的餐，$1198半席，有9個餸，3罐汽水，1支啤酒，1份生果。乳豬：大部分位置比較肥蜜糖豆ＸＯ醬爆墨花蚌柳：蜜糖豆爽甜，黑花蚌柳鮮度一般。燒雞：太鹹了原本的花旗參燉翅群臨時改了冬瓜盅湯，味道不錯，清甜。乳香鮮魷泡節瓜：調味很怪，難吃。星洲焗海蝦：蝦鮮度一般，茄汁酸酸甜甜開胃。萵荀山藥泡斑球：萵荀山藥爽口，斑球有彈性，可以一吃。果皮蒸八頭鮑魚：鮑魚普通，不突出，也不大隻。古法蒸頭腩：肉質煙靭有彈性，算是比較好的菜。西瓜可以不明白為何大部分菜式都是水汪汪，看起來不太討好，吃起來也不方便，菜上得很快，份量足夠，即使沒有飯麵都很飽，吃不完，吃了不夠一個半小時，就有人來問可以收野了嗎，而且兩分鐘問一次，我們再大聲強調全部都要，請不要再問，才沒有再煩我們。

一早起身訓唔翻就捉左男朋友去飲茶，岩岩搬入屯門冇耐第一次試屯門稻香既點心，大部分都好食但溫馨提示個蒸排骨真係唔得，好似香口膠咁食唔到咩味但咬極唔爛。下次會再黎!

Just moved to Tuen Mun, her boyfriend often work late, so often go to Tuen Mun to eatTuen Mun is like a normal new town. There are not many delicious restaurants in the city center. We all have to wait for a long time to wait in line.For a less comfortable dining environment, and food in general, so often "education" my high-spending boyfriendOrdinary home-cooked meals can be simpler, or smarter,So I came to Daoxiang last week, because after nine o'clock there are special hot pot,Early boyfriend

之前知道稻香有任食火鍋時一直都想試的了天氣有點冷就開始想食打邊爐了！任食的時間就比較麻煩..要8點半後就跟朋友在家多聊後才過去吧過去就等了一會...打了2次傳說對決吧..靚牛原來要另外加錢湯底就選了普通的芫茜皮蛋基本的丸什麼的都有菜什麼的出面有雪櫃可以自己拿人太多我沒拍照西洋菜我只拿了一轉，想再拿已經沒了出去幾次都沒有見到西洋菜再上架,....飲料款式算不少不過有些好快就沒了亦沒REFILL有糖水補返數吧雞絲粉皮我覺得不好吃太難吃我只吃了2口粉皮太乾，醬料也不野味不是加錢的牛也算不錯了有我朋友愛吃的魚類花膠還好吧，沒什麼特別蝦不怎樣新鮮但蜆在我最後有點，很鮮，算是安慰了我一下總結：覺得跟出面其他的任吃火鍋沒什麼特別如果要限8點半才開始，大可以選其他店的

由於同事十二月中生日所以打電話訂枱食晚飯，佢地同事回覆因冬至期間要八人或以上才能安排訂坐，我們因爲得幾個人，所以不接受訂坐。我完全唔明白點解要按人數去決定接唔接受訂坐，莫非全酒樓全塲只會做大枱生意，唔做細枱生意？或許你們加設最低消費，可能另客人容易理解接受，莫非你們已假設四個人食飯消費能力一定比八人低，此舉實在令本人對貴公司大失所望⋯⋯

之前去建生食過好滿意，後來聽家人話那裡沒有雪糕了，且好像差了，便不去了，今次改去市中心，不過打電話去卻不能訂座了，要自己排隊，我們7:15 上去已經好多人，有條隊了，應該是排8:00 放題，問了侍應都係叫排隊，八點攞飛，我哋也排埋一份，8:00 了，派籌，攞完大家便可以散去行街。8:18 返去，8:36 入座，6人俾咗張12人大枱我哋!  一坐低先來杯芝麻糊同杏仁霜，意外驚喜有紫貝天葵，利賓納，也有雪糕，不過係雀巢仲要冇我的至愛紅豆味，不吃了。我們叫了小食，只是粉皮已3碟，沒法有人鍾意食手拍青瓜，很脆陳醋雲耳，略酸了點炸薯條，仍脆的，但不夠熱秋刀魚仍是不錯，個人鍾意秋刀魚沒法子!其他魚類, 我們 點了白鱔片、脆鯇魚片、脆鯇魚腩，九肚魚墨魚仔花膠牛肉，都唔係好差，當然安格斯一定更好但要加錢$38/位，麻要$176/位? 唔制!我至愛的九肚魚終於搵到食雞煲時大家好喜歡的豆腐!d蠔夠大隻，魚滑都好彈牙汽水多返少少款揀大家都係比較愛吃油麥菜整體仍是不錯，只是 9:30 有一段時間送不切食物，我們休息了陣，叫的都上了，只差牛小排到最後也沒上，但又沒有通知是否沒有，我們也吃到11:00 才走。

是日老媽生日，我們一家人到此晚餐慶祝，感覺呢度係娘家飯堂，每次有慶祝活動就來食~~~原來老爸倒是傳統中國人，講明唔可以叫7碟餸，我地就叫6碟餸~~~今次我地照舊食咕嚕肉~~~炒菜都不錯，我地食得津津有味~~~燒腩仔係四妹至愛，味道不錯~~~呢度的脆皮雞不錯，肉不會韌~~~蒸魚係昕昕至愛，每次昕昕都食唔停~~~今次晚餐七大一小去食，四妹的男友開始成為我娘家節日食飯的一份子，大家最後更切東海堂的蛋糕慶祝，我、二、四妹和她的男朋友每人夾了二百多元，外出晚餐慶祝節日是娘家近年開始的習慣，因為老媽年紀漸長，加上我地幾姊妹已經有工作，她便開始懶得在大時大節煮飯，做女兒的我們當然乖乖孝順老媽，始終老媽是最好的=]