上半場早段主隊有2次機會，不過海倫同加拿曹都把握唔到，入唔到波就當然會輸波！21分鐘，夏維斯喺右路殺入禁區底線地波傳中，托沙門前輕鬆撞入，愛隊打開缺口領先1比0。上半場愛隊就憑此比數返回更衣主。

愛隊繼續以上仗北倫敦打吡嘅正選11人狂攻客軍，上半場可謂拳拳到肉，可惜多番受制對方門將有優異演出。最終缺口就係44分鐘打開，夏維斯單刀扭過查華斯被踢跌經VAR判罰12碼，薩卡非常冷靜射入喺上半場領先般茅1比0返回更衣室。

Happy St Totteringham's Day !

今仗愛隊喺北倫敦打比大戰沿用番上仗擊敗車路士5比0嘅正選11人。
11分鐘，托沙喺禁區被孫興慜搶走皮球後傳比麥迪臣起腳，好彩炒高，跟著愛隊喺1分鐘後就入波！可惜係炸糊！12分鐘，隊長奧迪哥特越位在先而令到夏維斯嘅入球無效。入球就喺15分鐘出現，薩卡開出角球，靴爾保喺富安健洋力壓之下擺老烏，愛隊領先1比0。而熱刺落後下亦積極反撲，羅美路兩下頭槌攻門亦都無功而還，23分鐘，主隊曾經由雲迪芬一度喺小禁區將皮球掃入網，但經VAR檢測後判越位在先而無效。27分鐘，夏維斯大腳交波比薩卡半單刀射遠柱領先至2比0。38分鐘，懷斯開出角球，夏維斯銅頭一搖又破網遙遙領先至3比0。44分鐘，孫興慜半單刀門前炒高後宣布落後愛隊0比3齊齊返回更衣室。

 由上半場開始愛隊已經全軍進攻，謹4分鐘就展開屠殺嘅序幕，懷斯左路交波比托沙嘅窄角度射入領先1比0。24分鐘，客軍喺非常有限嘅反擊之下由積遜快放落底再橫傳入中路，但皮球改變方向射向龍門，不過中柱彈出，有驚無險。最後上半場愛隊就以1球領先返回更衣室。

上半場愛隊都積極搶攻，不過薩卡同夏維斯嘅射門都無功而還，返而主隊喺29分鐘第一次射門就非常有威脅，幸好高美斯射中楣。果然大難不死就有後福，完半場前45分鐘愛隊終於打破缺口，耶穌仔交出助攻比托沙施射，雖然呢腳有d塌Q，但反而射向死角入網領先1比0完上半場。