版主的雙重角色是教育和監察。當經版主配對的戶主遇到施工問題,版主的原則是:先教育、後監察。
首先,要諗「這個問題應該點樣解決」,而不是「正確答案是什麼」。因為俾出答案,反而可能害了工程。
如果真的需要解說戶主在工程期間提出的施工問題,要負責任地回答,需要比「以我所知係咁」做多三件事:A.詢問有關公司、B.比較同類型獨立公司、C.比較不同類型獨立公司。
有時候,戶主或戶主家人出於焦慮,會唔覺意咁扮演左監工既角色,問一些比專業監工更over既問題(因為合作耐左,你老闆都唔會樣樣問你樣樣check你)。更甚者,是找其他公司去點評自己師傅的手法「好唔好、啱唔啱」。以下是11個從不同戶主身上聽過的防水問題。版主說明一下,再介紹一下「配對名單內價格最實惠的師傅係點做防水」:
版主:錯!如果師傅真係有心唔做防水,可以輕易咁起相片同試水度出古惑。師傅有冇做防水,由兩方面判斷;第一佢有冇良心、第二佢同師傅合作左幾耐。以宏觀因素而非微觀手段去管理。
一般人會答:你叫佢俾單你睇,同埋叫佢叫師傅影低指定既施工相俾你睇。
版主:錯!你唔係監工。你不應該干涉判頭點樣管理佢合作多年既師傅。師傅都有佢既尊嚴,試過有戶主同師傅衝突,師傅懇辭,判頭頭痕找替工,更被戶主責怪遲起貨。
版主:你揀公司既時候應考慮、考核公司的經驗同知識,而不是在每個工序發生時問「我點知你有冇做得好」。掉番轉諗丫,如果每個工序你都知道佢做成點,你已經係專業監工啦。係咪真係影兩幅相、問幕後人士兩條問題就做到?真係咁易嗎?
版主:相片是snapshot。Given唔同公司各施各法,我見到灰色一撻我真係唔知佢係咩野。佢有冇溝料、有冇溝錯料、之前做左乜、之後會做乜。如果你真係想知,我建議起工序完哂之後先至問番師傅,俾番少少尊重佢。
版主:提出呢個質疑有沒有根據?你對工序和流程有多熟悉呢?如果不熟,即是師傅答左你兩日的工序,你仲需要請教其他唔知有冇同樣經驗既公司「咁樣啱唔啱」,然後又傾一大輪去scrutinize師傅施工的方式。咁樣真係戶主既角色嗎?
一般人:專業標準係要試足xx小時、未鋪磚試,否則冇用。
版主:我都會咁答。但其實試水只是很低水平的測試。水,可以三五七個月先漏。負責任、重口碑的公司和判頭,比戶主更驚防水出事,因為佢要修。但佢地倚賴既唔係試水,而係工夫。為了提供節省成本的選擇,而不大費周章跟戶主約期睇試水,也是不罕見的做法。
一般人:你在現場睇住。最好weekend試啦,多兩日添!
版主:同上。補充一點:戶主如有指定要求,應早早於工序前提出。見過一間很出色的設計公司,寫明套餐價試水是試2小時,非套餐價是試24小時。咁是否代表套餐的防水做得較差、或試水不足會較危險?當然不是!
8. 企缸防水料用什麼最好?
9. 黑膠係咪會同英泥唔相食?
10. 防水的施工是否應該一次過做?
11. 點解師傅施工同YouTube教唔一樣?
8-11. 因為字多,我就暫且不答。以下分享真實案例。
這是一位備受質疑的判頭的防水工序,也是版主介紹名單之中,報價最實惠的判頭的陳述:
「一般情況下我地係打拆完,做批盪,之後用SIKA107做底,之後試水,如沒有樓下投訴就鋪磚,用英泥寶加英泥漿貼瓦仔。所以是有雙層的保護。」
「但這個單位戶主要求高,所以我地做左更多。我地打拆後的批盪,加入了防水膠砂,然後再用SIKA107做底層,之後貼磚。所以是有三層的保護。」
「我地每個工序分開做同反覆做,是因為咁樣可以避免人為因素令做左既防水出事。而我地一定唔會將SIKA107撈其他物料施工,可能是泥水師傅同非泥水師傅的溝通間的誤會。」
「好多公司只係做一重防水,我呢個泥水師傅合作左好多年。我亦都觀察左佢好多年。佢對自己做既野有要求。我冇叫佢影完工相俾我,但有試足水(按:雖然是在鋪左牆磚後)。唔通合作左咁耐,我都仲要叫佢打卡影相做報告?」
1.版主深感呢位判頭做野平靚正、有要求、收貨標準比同收費的公司遠遠超班,只是溝通上處理一般,但這也是判頭的常見問題。
2.判頭一人身兼多職(逗一份糧),報價監工管理畫圖落手甚至連設計都要做埋,以提供性價比最高既選擇俾戶主,我覺得係好值得行家同戶主既額外尊重。
3.版主一貫的做法,是不在判頭趕工期問到篤。所以,有些問題只會等高峰期過左少少先問。想像一下當師傅最需要的是休息和peace of mind時,夜晚12點收到的是來自幾單工程的質疑,答又苦唔答又苦既情況。
以上洋洋千字,也許可以讓戶主們更了解真實裝修的情況,配對平台的角色,也讓行家記得自己裝修時遇過的種種客人,擔任「監工軍師」時也勿忘了「教育戶主」的一環。謝謝!