【溏心風暴3】關菊英鬧人唔使本 「潑婦罵街」是如何煉成的？
撰文：林迅景
出版：更新：
《溏心風暴3》播映至今已經2星期，劇中不少角色也盡數出場。雖然《溏心風暴3》是按照前2輯的模式：嘈交爭產。但正所謂「咸魚青菜，各有所好」，同一樣的劇情套路之下，依舊會有不少家庭觀眾受落。
一見到關菊英，就諗起佢鬧人個樣有幾惡。（劇照）
說起嘈交之中的表表者，就不得不提劇中飾演「找錢華」的菊姐（關菊英）。菊姐鬧人的時候，面目猙獰又七情上面，語氣上的配搭以及氣場，那種讓人討厭的闊太八婆性格真的是演得入木三分，連帶網民或者電視機觀眾都覺得菊姐其實是真情流露。不過菊姐的「鬧人」秘訣又係咩呢？菊姐接受《香港01》訪問：「鬧人最緊要唔好怕樣衰。」
關菊英個表情真係入木三分。（劇照）
菊姐接受《香港01》訪問時，很謙虛的說：「個劇本同對白寫得好，我都係照做㗎唧。」至於「鬧人」的訓練方法，菊姐：「冇得練習㗎，因為你根本唔係咁嘅人，你平時都唔會講呢啲說話。如果我要做（拍戲前），就梗係睇熟個劇本，知道嗰段要講咩。譬如要鬧人，我覺得說話一定唔可以節奏慢。如果要一路鬧一路諗，人哋就會覺得你唔自然。跟住做（拍戲）嗰時，千萬唔好怕肉酸，要盡量豁出去做。如果個角色係咁衰嘅，就應該做到咁衰，俾人哋可以捉到你嘅神髓。咁先係成功。」
關菊英好戲係眾所周知。（劇照）
劇中「找錢華」(華姐)其實與現實中的菊姐有著明顯上的差別。華姐（梁順華）就是名副其實的「潑婦罵街」「人見人怕」的角色，現實之中菊姐（關菊英）就是一位溫文爾雅的女士。演出這樣角色除了可以突顯演員本身的演技「火喉到唔到」之外，演員更加會樂在其中，尤其是「鬧人」的情節。菊姐接受《香港01》訪問時說：「如果嗰一場係好過癮，對白好得意好特別嘅，平時我都唔會講，（拍完戲之後）我會覺得好過到戲癮。因為平時唔會咁樣，所以有個好劇本同埋有精彩對白，做（拍戲）之後係會好爽快。」
+7