鹿晗買戒指好事近？ 有傳關曉彤已懷孕
撰文：洪曉璇
出版：更新：
內地當紅小鮮肉鹿晗10月初於微博高調認愛，公開與內地女星關曉彤拍拖，消息震撼到一度造成網路癱瘓，甚至傳出多名鹿粉因此自殘，好在未有人命傷亡。認愛後鹿晗人氣似乎受到些少影響，但無阻佢兩個繼續愛得轟烈。繼網友PO相指鹿晗親身買鑽戒後，有大陸製作方透露女方正在準備結婚，甚至還「有了」，唔通咁快就雙喜臨門？
鹿晗同關曉彤認愛不到一個月就傳出雙喜臨門。(資料圖片)
網友爆料鹿晗親自到珠寶店買女裝鑽戒。(微博圖片)
今年4月就一度傳出鹿晗隱婚生子謠言，經理人公司第一時間出面澄清，到咗10月鹿晗就坦承同關曉彤戀情，鹿晗曾經講過「我可能結婚挺早，27、28歲，因為是父母要求的，可能過兩年我就不從事演藝行業，我爸媽比較急抱孫子」，咁啱今年佢正正係27歲，高調認愛後有網友爆料稱，鹿晗喺佢馬上就要放工之際，突然衝入珠寶店買戒指！而且是帶鑽石嘅女仔戒指！剛剛公布戀情就買戒指，被猜測好事將近。
珠寶店職員影低鹿晗細心睇鑽戒目錄嘅相片放上網。(微博圖片)
關曉彤粉絲上載相片稱偶像上咗雪山，指懷孕傳言應該不攻自破。(微博圖片)
據台灣傳媒報道，關曉彤同鹿晗公開戀情不到1個月，有大陸製作方爆料女方最近頻頻推掉戲約，感嘆：「她演技很好，可惜要結婚，還有了。」透露兩人已經低調籌辦婚禮，再度引起粉絲高度關注，呢次就論到關曉彤一方挺身撲火，疑似女方粉絲發文：「沒有懷孕！謠言止於智者，造謠不給熱度！」關曉彤工作室隨即關注呢個帳戶，網友推測係關曉彤工作室工作人員所開設。有關懷孕謠言滿天飛，粉絲曬出偶像上雪山嘅相片「懷孕還能上雪山、上形體課，清者自清！」
呢個帳戶唔係關曉彤官方微博，不過出咗呢篇微博後，關曉彤工作室馬上關注咗，算唔算默認佢講嘅澄清屬實？(微博圖片)
10月31日關曉彤工作室曾經上載多張當日工作照，大家又覺得佢似唔似懷孕呢？(微博圖片)
+11