55
0
0
港鐵銅鑼灣站 F1 出口, 步行約4分鐘
繼續閱讀
電話號碼
23880107
23880125
54206138 (Whatsapp)
開飯介紹
以傳統日式燒肉作招徠，價錢豐儉由人，供應的餐點以鳥取大山黑毛和牛為主，油花豐富，適合一眾牛肉控聚餐。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
尋日同老公慶祝生日，知佢中意食日本嘢，特登帶咗佢嚟呢度食，我揀咗竹🎋set ，餐廳無論環境定氣氛都一級棒👍🏻衞生：❤️🔥❤️🔥❤️🔥❤️🔥❤️🔥食物：❤️🔥❤️🔥❤️🔥❤️🔥❤️🔥刺身盛盒有鮮嫩嘅大蝦、拖羅同海膽，每一塊刺身都好新鮮又大份🌊有老公最愛嘅拖羅，油脂分布平均，一入口就Wowwwww～鳥取A5大山黑毛和牛盛盒，入面有肩胛里脊、上後腰脊肉、西冷、丸芯、肋間肉同內腿肉等多款牛肉。以壽喜燒嘅形式去烹調，最傳統嘅方法可以鎖住肉質嘅味道，每一塊都鮮嫩多汁，肉質嫩滑，入口即溶，真係令人陶醉⭐️野菜拼盤，有日本嘅南瓜🎃，蔬菜清爽又新鮮🧡而和牛他他沙津帶嚟嘅鮮美味道更加突出，和牛邊有少少焦香，迫到佢嘅油脂爆岀，配合沙律，又清新又滿足🍴前菜三點，包括蒜頭漬、醃蘿蔔同檸檬果凍。每一款都帶有獨特嘅味道同開胃🍋和牛味噌煮濃郁香濃，和牛嘅鮮甜味道同味噌嘅風味完美融合🍲再黎個和牛油渣飯飯粒飽滿，又香濃嘅和牛油渣味道，令人心滿意足！而清湯清爽宜人，令整餐更加豐富🍵 最後食個日式甜品🍧真係心滿意足😌
繼續閱讀
強小亭🥩味噌慢煮A5和牛腱｜沙律用上鳥取紫蘇葉油，酸酸甜甜，好開胃🥰再配埋爽脆既蘿蔔同青瓜，感覺清新！前菜系南蠻醬煮牛肉，南蠻醬炸雞就食得多，配牛肉都系第一次！入口都系甜甜酸酸，牛肉肉質扎實，肉味濃厚👍🏻主菜味噌慢煮和牛腱，和牛腱已經炆煮到好淋而且好入味🥰鍋內仲有蒟蒻同蘿蔔，都系索湯既配料！味噌湯底好濃郁，加入蘿蔔一齊煮仲多左一份甜味，撈飯一流。特選A5和牛燒肉配涮涮鍋｜呢個set好滿足又有燒肉又有shabushabu 😍燒肉有正款肉，分別系丸芯，即系牛腰脊肉、內腿肉同西冷。平時食燒肉都係配燒肉汁，呢度配上全港獨有既鳥取大生同濃厚豉油，配搭唔同肉類更顯鮮味！最鍾意食西冷，因為牛脂最豐富，簡直係入口即溶🤤其餘兩款都好出色，肉質軟嫩，牛味濃郁。食燒肉點可以冇飯😏餐廳好用心咁用上鳥取星空舞米，粒粒分明，食落仲好鮮甜😋Shabushabu用上外腿肉，輕輕碌兩下就食得，外腿肉油脂雖然無咁豐富，但肉味更強烈，肉質柔軟👍🏻甜品係玫瑰餡既湯圓🥰湯圓外皮煙煙韌韌好有嚼口，玫瑰餡甜度適中！
繼續閱讀
744 瀏覽
強小亭:來自鳥取的和牛前排先見有朋友推介鳥取嘅餐廳，睇到勁開心，開始搵關於佢嘅食物同名勝，除左砂丘同蟹，我搵到有呢間強小亭。而呢間餐廳，剛剛由日本嚟咗香港，唔使飛去鳥取縣，都可以止旅遊癮。呢間米芝蓮餐廳原來係鳥取都幾出名，鳥取蟹我聽得多，原來牛都好有名，仲勁過神戶，飛驒等地區，因為和牛的發源地是在鳥取，佢同日本的一段歷史有關。 千多年前平安時代，很多信奉地藏菩薩大山寺高僧都有著為牛馬祈福的習慣，為它們製作守護符的傳統，因此也衍生當年流行的「牛馬信仰」，許多人都帶著佢哋嘅牛馬慕名前來，並讓牛馬們在大山土地上享受大草原牧草，接受僧侶的祝福，後來人們也開始在大山山腳上飼育牛馬，展開了牛馬經濟，並在江戶時代中形成了日本三大牛馬交易中心之一的「山牛馬市」。大山牛馬市是日本古老的牛馬交易中心之一，正因其文化背景，造就了世界最昂貴的日本和牛飼育文化，因此鳥取縣也可以說是孕育和牛靈魂的最始點。睇完文化就講番呢間餐廳，大山黑山処強小亭係鳥取一間米芝蓮嘅餐廳，今次黎到香港，唔算特別高調，朋友就提議食吓lunch先，試一試水準。精選A5和牛三點燒肉有三種燒肉，特選A5和牛燒肉就有埋涮涮鍋，燒肉有幾種カメノコウ （牛臀肉），ヘッドバ，サーロイン （西冷），外モモ（外腿肉），ヒウチ（牛肩肉）多種唔同嘅部分當中最愛外腿肉，口感特別而且有油香，西冷當然出色，牛臀肉第一件食就有驚喜，最緊要佢有唔同嘅醬汁配唔同色調同唔同部份嘅牛肉。不過聽店員講每日嘅來貨都有機會唔同，食到咩好嘅位置都要睇緣份。shabu shabu主要吃リブローズ同イチボ（牛臀蓋），牛臀蓋絕對係當日食過最美妙嘅，有油香油花牛味，最正嘅佢唔係好似神戶牛咁非常油膩，食完會有種好飽嘅感覺，佢較低調而且唔會太過重，絕對值得你了解下。佢個餐裏便提供嘅飯都好特別，係星空米，勁有咬牙，其實湯品同佢有個勁好食嘅牛煮物，我直頭想單點多一碟。要講唔好嘅，相信應該係甜品，可能前段太精彩，後面個反差比較大，店方應該要改善下。今次食完晏晝，再睇夜晚嘅Menu更加吸引，如果你愛好吃和牛，又想試吓鳥取嘅感覺如何，值得一來比較一下同其他和牛嘅分別。強小亭 (銅鑼灣)銅鑼灣渣甸街66號亨環4樓
繼續閱讀
年尾放假, 照慣例, 同牛牛控去食佢想食嘅好味嘢, 感恩過往一年, 期待更好新一年~ 我想燒肉但又鐘意涮涮鍋, 所以簡咗特選 A5和牛燒肉配涮涮鍋 $488卡位箱 我地都鐘意私人空間感滿滿前菜 沙律 茶碗蒸 湯 都做得唔錯保持肉芯粉嫩嘅牛煮 軟嫩肉味濃 涼感微甜身為飯桶嘅我好鐘意呢個 星空舞 香甜味明顯嘅白米飯, 軟糯得黎帶顆粒感!(其實 我好想好想 encore, 但唔敢問有無得加配~ ）店哥介紹 話係香港唯一一間有得食嘅餐廳呢~簡介肉種後, 店員幫我地用牛脂開鍋~特選 A5和牛燒肉配涮涮鍋只有前面片肉肉, 係用黎涮的, 其他3款都係燒的, 嗯, 好想快啲食佢呢~只有前面片肉肉, 係用黎涮的, 其他3款都係燒的, 嗯, 好想快啲食佢呢~好鐘意店員嘅細心, 提我地記得由赤肉開始食, 最後先食油脂多啲嘅肉~肉肉控開心大讚, 話果然係唔同, 係長知識嘅開心體驗~ 香嫩腍滑, 係滿足嘅口感啊!柔軟軟 唔會膩, 我鐘意啊 好想食多塊~ 甜品芝士蛋糕 同埋 柚子雪葩感覺小清新芝士蛋糕感覺輕盈唔漏 食埋 柚子雪葩作結, 整體感覺舒服完滿~
繼續閱讀
今日同媽咪去shopping，行到好餓就入左間餐廳醫肚😋。我哋一人叫左個tea set✌️，有「蘭」同「櫻」兩個set，裡面有啲食物係一樣嘅。首先係共同食物🫶有野菜沙津，蔬菜好豐富，口感好爽脆，調味岩岩好；和牛壽司牛肉大大塊，份量好足，肉味好鮮甜；吞拿魚壽司魚肉好飽滿鮮甜，魚生冇筋，好好味；赤身切得好大塊好厚身，食落滿口肉，好新鮮；水雲口感特別，味道清香然後係「蘭」獨有食物🤟吉列和牛皮脆肉嫩，一塊和牛有兩種口感，食完仲想再食一次；跟住有日式煮和牛，熟度適中，肉味香濃，入口即化，每口都係和牛嘅油香；薯角炸到岩岩好，好脆口，沾埋茄汁最完美再嚟係「櫻」獨有食物🤟和牛他他卷入面嘅牛肉半生熟，加埋檸檬汁，又鮮又甜；最後係三文治，內餡係好厚嘅牛肉，一口咬落去牛肉汁噴出嚟，好好味，食哂都唔夠餐廳食物質素高，環境氣氛好，服務又好，下次一定再去食🎉！
繼續閱讀