一日之計在於晨，每一日都係由一個靚靚嘅日出開始🌅
人生其中一件必定要做嘅事就係要睇日出，欣賞大自然嘅美景。睇日出除咗要早起身之外，仲要揀一個睇日出嘅好地方！
為咗可以滿足唔同朋友嘅要求同需要，今日 ReUbird 小編會帶大家睇5個日出好去處，當中包括大帽山、大東山、煎魚灣、鳳凰山同西貢碼頭，內文附上每個地點嘅交通安排以及日出時間，為你細心計劃睇日出之旅。事不宜遲，即刻開始！
睇日出要準備啲咩？
如果日出地點位於山上，小編建議著長褲、行山鞋，帶頭燈及行山杖。另外，記得準備相機同埋少少飲品食物。
睇日出地點一：大帽山
大帽山位於新界中部，高海拔957米，係香港最高嘅山峰，難度屬於五星。小編係一個體力欠佳嘅女仔，明白到大家可能都會擔心體力問題，所以為大家準備咗一個比較輕鬆就可以登山頂睇日出嘅方法，如果想輕輕鬆鬆去大帽山睇日出，就一定要繼續睇落去喇！
- 交通安排：(起點)搭九巴51到郊野公園落車；(終點) 搭小巴23K到大埔墟鐵路站；懶人上山方法：搭的士到大帽山700米處閘口(落車之後大概需要行25-35分鐘)
- Google Map 地圖
- 日出時間
圖片來源：IG@3dom_4ever
睇日出地點二：大東山
大東山，位於南大嶼山，海拔 869 米，難度屬於五星，從伯公坳沿鳳凰徑上山係最輕鬆嘅登山方法。大東山最出名嘅相信就係金黃色嘅芒草，每逢秋冬，大東山就會長滿芒草，有好多鍾意行山或者影相嘅朋友都會心郁郁想去。但係小編喺度溫馨提醒一下，大東山係香港第三高峰，難度比較高，絕對唔建議新手貿然上山。如果真係好想去大東山，建議大家先做好準備，例如首先試行一啲難度較低嘅行山路線，又或者同幾位富有經驗、體力良好嘅朋友一齊登山。
- 交通安排：東涌市中心乘搭11號或23號大嶼山巴士，喺伯公坳落車
- Google Map 地圖
- 日出時間
相片來源：[email protected]
圖片來源：IG@3dom_4ever
睇日出地點三：煎魚灣
煎魚灣是位於大嶼山西面的一個海灣，附近有營地可以露營。嗰度設有少於20個小型營位，有興趣露營嘅朋友都可以留意吓，要留意煎魚灣營地係一個恬靜嘅地方，雖然遠離人煙，但係難度屬於五星。同大東山一樣，如果遠足經驗唔多嘅朋友，或者係體力唔夠嘅朋友，建議大家可以同有經驗嘅人一齊去，或者先行啲簡單路線鍛煉體力。
- 交通安排：(1)由東涌市中心搭11號/由梅窩乘1號往大澳巴士，喺石壁水塘西站落車。沿鳳凰徑第七及第八段逆行前往（往大澳方向），步行約2小時，便可抵達營地; (2）由東涌市中心乘11號/由梅窩乘1號往大澳巴士，喺大澳總站落車，沿鳳凰徑第七段往石壁方向前行，步行約2小時，便可抵達營地
- Google Map 地圖（煎魚灣） /Google Map地圖 (煎魚灣營地)
- 日出時間(煎魚灣)/日出時間(煎魚灣營地)
相片來源：[email protected]
睇日出地點四：鳳凰山
鳳凰山位於大嶼山，海拔高度934米，是香港第二高的山峰，僅次於大帽山。鳳凰山係睇日出同雲海嘅熱門地方，雖然由伯公坳起步初段比較容易行，但係越接近鳳凰山頂，山勢就越係險要，存在一定嘅危險性。落山亦都有唔細嘅難度，落山嘅途中石級落差好大，好容易會腳軟㗎！
- 交通安排：港鐵東涌站巴士總站乘搭大嶼山巴士23號至昂坪市集，落車後按路牌指示前行，步行上山時間約2小時。
- Google Map 地圖
- 日出時間
相片來源：[email protected]
睇到呢度，會唔會有朋友覺得：想睇個日出點解咁難？以下落嚟，小編就會講比較容易去到嘅地方，一齊睇吓啦！
睇日出地點五：西貢碼頭
西貢係一個充滿歐陸風情嘅社區，西貢碼頭更加係依山傍水、風景優美。最特別嘅地方係西貢有一個西貢水上活動中心，可以玩滑浪風帆同埋獨木舟等等嘅水上活動。唔鍾意運動嘅朋友亦都可以喺西貢碼頭隔離嘅假日市集嗰度閒逛一下，仲可以去附近嘅餐廳同埋咖啡廳享受一個悠閒嘅假日。西貢碼頭亦都非常適合揸車睇日出，可以舒舒服服咁樣去到。
- 交通安排：鑽石山港鐵站外乘搭92號巴士/ 沙田市中心乘搭299巴士/彩虹港鐵站C1出口外乘搭1M小巴
- Google Map 地圖
- 日出時間
相片來源：timable
小編啱啱推介俾大家嘅地方都係一啲比較有特色或者係風景比較優美嘅睇日出好去處，而且每一個日出好去處嘅交通同埋日出時間，小編都已經寫咗俾大家，無論你係想揸車睇日出，定係想行上山頂睇日出，都會幫到你。
其實除咗日出好去處之外，香港仲有好多地方可以睇日出。如果你係冇揸車又唔想周圍去但係又想睇到日出嘅話，其實我哋身邊都有好多地方可以睇到日出，只不過可能冇上述嘅地點咁有特色同埋意境。
以下落嚟小編將會俾大家睇幾張小編同朋友隨心喺普通地方影嘅日出。
汲水門大橋
相片來源：[email protected]
屯門碼頭
圖片來源：IG@3dom_4ever
睇咗咁多日出好去處詳盡教學同埋日出嘅靚相，相信有好多朋友而家已經急不及待想去睇日出。睇日出本來就係一件好放鬆同浪漫嘅事，但係必須要注意安全，以免樂極生悲。
例如頭先小編所提及到一啲難度較高嘅山頂，例如鳳凰山同埋大東山等等，各位去嘅時候真係需要打醒萬二分精神！
欠缺經驗嘅朋友必須要同有經驗同體力充足嘅人一齊去啊！
如果覺得去睇日出熱點實在係比較吃力嘅話，其實喺我哋身邊都有好多地方可以望到日出，可能冇咁靚，風景冇咁優美，但係同你嘅最愛一齊睇，同樣咁浪漫💕
有難度較高嘅行山地點,適合鍾意郊遊同行山嘅朋友；有營地，適合露營愛好者；亦都有一啲好容易就可以撘車或者揸車去到嘅地方，適合揸車睇日出或者撘車去。