［廣傳〕唔想到手嘅Offer被收返？一定要知嘅就職資歷查核！

.

收到Offer嘅同學仔係咪好開心呢？但有無諗過個Offer可能會突然被公司收返？ 原來出左Offer之後仲有最後一關要過 ：就職資歷查核（Employment Background Check）！以前好少聽Fresh Grad或實習生因為過唔到Background Check而被人收返個Offer，但呢兩年真係有唔少人中招！如果唔想辛苦得尼嘅Offer就咁飛走，就一定要睇落去，仲要分享俾所有報緊工嘅朋友！

.

就職資歷查核做啲咩？

近年就職資歷查核（Employment Background Check）嘅程序愈來愈複雜同規範化，對同學尼講就多左好多野要留意，唔係分分鐘因為過唔到Background Check而無左個Offer！市面上有好多Background Check Agency，大啲出名啲嘅有RISQ Group、 Hireright同CBI等。無論係邊間Agency都好，會做Background Check嘅重點不外乎以下幾項：

.

學術紀錄（Academic Records）

犯罪紀錄（Criminal Records）

就職紀錄（Employment Records）

環聯信貸報告紀錄（TransUnion Report）

.

學術紀錄同犯罪紀錄好少同學會中招，畢竟好少大學生會有犯罪記錄或者傻豬到作自己係某間大學讀緊某一科，但就職記錄或信貸報告記錄就不時都出事。

.

就職紀錄中招例子一：

例如試過有內地同學俾錢買「遠程實習項目證書」，即係有個人同你講佢係做GS、JPM或Big4嘅經理，然後話你坐係屋企度，佢比個項目你幫佢做，完左後俾張證書話你做左實習，但其實呢啲所謂嘅實習係個間公司度根本就無就職紀錄，結果個同學係拎到其他大公司嘅Offer同做Background Check時就出左事，被人收返個MT Offer。

.

就職紀錄中招例子二：

履歷表上面個Job Title同就職紀錄唔同：如有同學試過俾公司問點解係CV上面寫嘅Job Title 係Summer Intern，但係公司紀錄就寫左Summer Assistant。雖然呢類情況通常只要寫返個email向公司解釋返都會無事，但係都無謂承擔呢個風險，唔係嚇都嚇死。

.�環聯信貸報告係啲咩？

環聯信貸報告紀錄左個人嘅信貸活動，其中包括提供左信貸或貸款俾你嘅機構嘅名稱、信貸限額同貸款額，以及你嘅還款紀錄咁。如果你有拖欠債項、破產與追討債務相關嘅法律行動等紀錄，佢地亦會出現係你嘅信貸報告中。

.

環聯信貸報告點影響你個Offer？

信貸報告有個評級，一般大公司（特別係金融機構），會對個評級有最低要求，以往呢一部份都好少出事，但近年唔知係咪因為環聯信貸報告評級要求收緊左，定因為大學生消費模式唔同左，用多左信用卡而有時又唔小心無還到錢，令到近兩年都有啲同學過唔個信貸報告記錄評核。

.

俾個提示大家信貸報告記錄一定要好好，大部份銀行入職要求要有C以上，所以你借銀行錢同申請信用卡時一定要小心諗清楚，同一定一定要準時還款！特別係如果你報左某間Bank MT或intern，你就千祈唔好欠個間銀行任何卡數，唔係個Offer真係凍過水。

.

咁緊要嘅Background Check資訊一定要廣傳出去，記得係下面Tag返搵緊工嘅朋友。想袋穩每個Offer？就要繼續留意住我地 #hkcareers #achievewithus