淘寶賣家寄錯貨(衣服), 我要退貨, 順豐站好就腳就搵佢. 順豐職員話要填收件人公司名, 否則要另類處理 (個人寄俾個人, 要收件人證件副本!!!...), 去到海關可能要抽稅, 無講抽幾多, 只不斷重覆要公司名, 無直接拒絕我, 無教我點俾關稅, 於是我離開.

離開順豐門口, 我旺信問賣家有無公司名, 對方話無. 我隨即致電順豐熱線, 講出情況話順豐站話一定要填公司名, 熱線職員回覆一樣的答案, 我不斷追問, 希望佢教我點做先可以順利寄出, 最後佢話如果海關抽稅, 會係收件人俾, 或暫留貨件, 通知我(寄件人)去順豐交稅, 之後再放行貨件. 順豐熱線亦提到抽稅幾多係海關話的.

順豐咁多不肯定性, 唔搵佢啦. 貨仍是要退, 淘寶的退貨系統更有時限, 打算搵中通申通圓通. 隨機地先致電圓通, 無要求我一定要填收件人的公司名, 首重比順豐平, 就搵圓通搞掂左.

1kg 圓通收HK$55, 順豐收HK$68.

網友補充多2點:

(1)我係寄去山東, 運費只作參考.

(2) 虛構公司名我都有諗過, 但為免生枝節, 無謂做呢 d 小動作.