今日係長洲舉行太平清醮嘅節日，又係佛誕！即使今年嘅飄色巡遊同搶包山都取消咗，我哋都一樣可以繼續多啲了解呢個咁特別嘅節日㗎！

太平清醮起源

其實太平清醮相傳源於清朝嗰陣，長洲發生一場瘟疫，所以當時島民喺北帝設壇拜懺，瘟疫先得而消除～之後，長洲居民每年都會擲杯向北旁請示邊日舉行太平清醮。有一年擲杯，北帝「同意」每年太平清醮，就喺佛誕舉行，自此就咗定呢日啦！

齋戒都可以食蠔同青口？

大家都知太平清醮正日同埋前兩日，長洲居民會進行齋戒。不過你又知唔知，原來長洲太平清醮嘅齋戒，係可以食蠔同埋青口㗎～聽長洲居民講，相傳有一次旱災，冇晒素食，和尚就請示神明。神明就示意和尚將一枝棍放喺大海，有咩痴咗上嚟，就可以食，所以蠔同青口，喺齋戒嗰陣都可以食啦！

長洲太平清醮係香港獨有嘅傳統節日，背後仲有好多小故事～如果你都發挖到啲小知識，就留言分享畀我哋知啦！