月薪逾六萬 長毛續住公屋六年 - 東方日報

    月薪逾六萬 長毛續住公屋六年

    【本報訊】其中一名廣為人知的公屋富戶,正是月薪逾六萬元的社民連立法會議員「長毛」梁國雄。他自○四年起由一窮二白的街頭鬥士,搖身一變成為尊貴議員,但至今仍居於原有的公屋單位。有市民炮轟梁國雄當選六年後仍佔住公屋,是濫用公帑及漠視十多萬名公屋輪候冊人士需要。梁國雄則辯稱下屆未必選到,沒理由要他立即交還公屋。

    承認現繳交雙倍租金

    有市民向本報投訴,指梁國雄領取立法會巨額薪津之餘,繼續居於受政府資助的公屋單位,「之前啲名人發迹後仍保留公屋作風水屋,都畀人鬧到死,最後要交番間屋出嚟,佢之前無錢就住公屋啫,依家佢身為立法會議員,已經脫貧,點解仲繼續住公屋?」

    投訴人又批評梁國雄「口口聲聲關注民生,但無視仍正輪候公屋的逾十萬人居住需要」,「出面有好多人搵得一萬幾蚊捱緊六、七千蚊貴租,點解佢唔顧下吓人哋嘅感受?」

    梁國雄現居於九龍灣啟業邨十三樓一個單位,面積二十三點三平方米,可供編配二至三人居住,同類單位月租為八百七十二元。他接受本報查詢時承認現正繳交雙倍租,但強調議員並非一份工作:「我係市民選出嚟嘅,為市民辦事,而且下次未必選到,冇理由要我交番個公屋出嚟,搬來搬去。到我搬走去住私人樓,又有人話我做議員望發達,我一笑置之!」

    梁國雄認同有錢人不應住公屋,富戶政策要全面檢討,最重要是多建公屋,租金不能常加。他自言每月都捐出四萬元成立基金支持社運活動,基金由友人管理。對於市民的投訴,他稱「咁你畀佢個電話我,又或者叫佢直接打畀我,我唔想隔住記者對話!」他又謝絕記者家訪,因屋企好亂。

    房署發言人表示,由於涉及私隱,不會評論個別住戶情況,但該署並無發現梁國雄的單位有被濫用,因此不會收回。

    Money18新功能「18好路數」為你預測心水股票升跌機會率