【專訪】工廈大王「三世祖」 鍾培生:我係百厭小朋友,成日惹是非。
香港工廈大王鍾氏家族,近年登上媒體版面,多數因為鍾家出了一位「香港電競之父」—鍾培生。
16歲拔尖入讀美國南加州大學,23歲創立香港電子競技公司。為令行業、公司曝光更高,他多次接受傳媒訪問,不吝談及他「三世祖」的身份、展示淺水灣萬呎豪宅,「我好感恩我喺富裕家庭出世,呢個本身係一件有輿論(能力)嘅事」。
「我成日都惹是非,未出嚟做嘢已經俾人講,好難管,我係一個百厭嘅小朋友。」
相對他父母,鍾培生本人高調得多—曾與自己的電競隊伍鬧上法庭、參加內地相睇節目、上大台節目自認「男性荷爾蒙太多」、名字出現在連登,他親自拍片回應,連早幾個月引發YouTuber勢力陰謀論的夾公仔大戰,他亦參上一腳,一句「放心,我呢邊有Job」吸引近3000網民讚好。
訪問當日,與鍾培生行勻銅鑼灣、灣仔夾公仔舖,他於鏡頭前指出各夾公仔機或觸犯的法例問題,「呢部已經係純運氣,係賭博,你唔可以話佢欺騙,但係係違法囉」。當然,鏡頭後的言論更大膽。「幾年前好興網上夾公仔機,融資融得好勁,但係IT成本好貴,吸取用戶成本好大,概念嘅嘢(投資項目)除非講到國際性,如果唔係,我通常都拒絕。」至於夾公仔舖他亦沒有興趣投資「場主點解唔自己做台主?人流、回流率係咪真係夠?如果真係包賺,點會輪到你?」
主修數學與經濟、精於計算,鍾培生認為自己並非一毛不拔的金主,「電競我投好多、媒體、旅遊我都投好多,不過Scale唔到嘅嘢、唔識嘅嘢,有違社會風氣嘅嘢我唔會做」。
「惹火」雖麻煩,亦被他視為優勢,「有啲女仔會問『我都冇做錯,點解俾人話我唔好』,社交媒體就係多人評論同妒忌嘅地方,upload得相,自然有人挑戰你」。
最近他力爭於KOL界佔一席位,積極經營自己的YouTube頻道「既然有輿論能力,希望透過呢樣嘢推廣電競同一啲少人留意嘅運動,例如拳擊,亦都想拍多啲高質素嘅影片,帶正能量俾香港」。雖然覺得尷尬及「老土」,鍾培生笑指已被同事說服,要於影片中呼籲觀眾訂閱、讚好、分享,「佢哋話真係有用」。
經營數月,頻道已有70條影片,例如分享時事與行業資訊的《培生培心》、與名人清談的《培生佳饌》。頻道暫時觀看次數,與他一年前公開豪宅影片的逾300萬View尚有一段距離,相信擅與花生共舞的鍾培生,往後影片題材不會令大家失望。